Ֆուտբոլի Հայաստանի հավաքականի երկու վետերաններ, դարպասապահ Ռոման Բերեզովսկին ու պաշտպան Սարգիս Հովսեփյանը հունիսի 4-ին Սանկտ Պետերբուրգում Ռուսաստանին 1:3 հաշվով տանուլ տված հանդիպումից հետո դժգոհություն են հայտնել մրցավարության կապակցությամբ:
Բերեզովսկու կարծիքով, 2008թ., 2010թ. Ֆրանսիայի առաջնության լավագույն մրցավարը հաճախ էր սուլում ի վնաս Հայաստանի հավաքականի, թույլ չէր տալիս խաղալ, իսկ 11 մետրանոցի մասին խոսելն ավելորդ է համարել` ակնարկելով, որ խախտում չի եղել:
Բերեզովսկին նաեւ հայտարարել է, որ եթե հանդիպումից առաջ դաշտը ջրած լինեին, ապա ավելի հետաքրքիր խաղ կստացվեր, քանի որ դաշտի որակն ազդել է փոխանցումների վրա:
Բերեզովսկին նաեւ հայտարարել է, որ Սարգիս Հովսեփյանը հանդիպումից առաջ սննդային թունավորում է ունեցել եւ կարողացել է դրսեւորել իր հնարավորությունների միայն 40 տոկոսը:
Սարգիս Հովսեփյանն էլ 11 մետրանոցի դրվագի տեսագրությունը դիտելուց հետո հայտարարել է, որ խախտում չի եղել: Հովսեփյանի խոսքով, մրցավարն էլ է ընդունել իր սխալը, հաղորդում են ռուսական լրատվամիջոցները: