Լոնդոնի Չելսիի ներկայացուցիչները բանակցություններ են սկսել Թուրքիայի ֆուտբոլի ֆեդերացիայի հետ` Թուրքիայի ազգային հավաքականի գլխավոր մարզիչ Գուուս Հիդինկին հրավիրելու նպատակով: Անգլիական The Independent պարբերականի տեղեկությամբ, թուրքական կողմը պահանջում է 4 միլիոն ֆունտ ստերլինգ` պայմանագիրը ժամանակից շուտ խզելու համար: Հիդինկի պայմանագրի ժամկետը սպառվում է 2012-ի ամռանը:
Հիդինկի գործակալը հերքել է այդ լուրերը` վստահեցնելով, որ աշնանը Թուրքիայի հավաքականը հոլանդացու գլխավորությամբ կշարունակի Եվրոպայի առաջնության ընտրական հանդիպումները:
Հիշեցնեն, որ 2009-ին Հիդինկը Ռուսաստանի ազգային հավաքականի գլխավոր մարզչի պաշտոնը լքեց եւ տեղափոխվեց Չելսի: Ակումբի սեփականատեր Ռոման Աբրամովիչն անձամբ հարթեց բոլոր տարաձայնությունները Ռուսաստանի ֆուտբոլի ֆեդերացիայի հետ: Հիդինկի գլխավորությամբ Չելսին նվաճեց Անգլիայի գավաթը:
Նախորդ երկու տարիներին լոնդոնյան թիմը ղեկավարում էր իրտալացի Կարլո Անչելոտին: Նրա հետ Չելսին նվաճեց Անգլիայի չեմպիոնի տիտղոսը, երկրի գավաթն ու սուրգավաթը: Սակայն այս մրցաշրջանում Չելսին ձախողվեց եւ Աբրամովիչը պաշտոնանկ արեց Անչելոտիին:
