Հայաստանի վարչապետ Նիկոլ Փաշինյանը խոստացել է, որ կմեկնի Մոսկվա եւ կպայմանավորվի հայ ռազմագերիներին հայրենիք վերադարձնելու մասին, քանի որ այլ դեպքում նա ոչինչ չի ստորագրի: Սակայն չի կատարել խոստումը: Այդ մասին հունվարի 21-ին լրագրողներին տված հարցազրույցում հայտարարել է ռուս լրագրող, «Իզվեստիա» թերթի խմբագրության տնօրենների խորհրդի նախագահ Արամ Գաբրիելյանովը:
Ինչպես նշել է ռուս լրագրողը, Փաշինյանը մեկնել է Մոսկվա, 47 ժամ բանակցել, դուրս եկել եւ հայտարարել, որ ամեն ինչ ստորագրել է: «Սակայն միեւնույն ժամանակ բողոքում է, որ գերիներին չեն ազատել»: Լսի՛ր, շան որդի, այդ դեպքում դու ինչո՞ւ ես մեկնել: Իսկ ես կասեմ: Քաղաքականության մեջ այդպես չի լինում, որ քեզ ասեն՝ «վերցրո՛ւ, դու լավ տղա ես»: Քաղաքականության մեջ ամեն մեկը պայքարում է իր տեղի համար, եւ Ադրբեջանի նախագահ Իլհամ Ալիեւը գիտի այդ կանոնը: Նա պայքարում է սեփական շահի համար: Այո, նա ինչ-որ տեղ խաղում է, ինչ-որ տեղ բլեֆի դիմում, ինչ-որ տեղ շանտաժի ենթարկում Ռուսաստանին, սակայն նա խաղում է: Եւ ցանկացած քաղաքական պայքար դա է ենթադրում»,-ընդգծել է Գաբրիելյանովը:
Ելնելով վերոգրյալից՝ նա բնութագրել է Փաշինյանին՝ որպես «որպես վախկոտ նապաստակի», եւ այդ պատճառով նրա հետ ոչ մեկը հավասարի պես չի խոսում եւ չի պայմանավորվում:
Գաբրիելյանովի կարծիքով՝ խնդիրը կայանում է ոչ թե նրանում, որ Հայաստանն ուժ չունի, այլ նրանում, որ դրա իշխանությունը գրեթե ուժ չունի: «Ես հիացած չեմ նույն Քոչարյանով: Ես ձեզ անկեղծ ասեմ՝ նրա հետ ծանոթ չեմ, եւ երբեք չեմ տեսել: Սակայն ես հավաստիացնում եմ, եթե այդտեղ բանակցությունների ժամանակ հայտնվեր Քոչարյանը, ապա դա բոլորովին այլ կոնֆիգուրացիա կստանար: Չէ որ շատ բան է կախված կամքից»,-պարզաբանել է ռուս լրագրողը:
