Ռուսաստանը կարգավորել է Ռուսաստանում շինհրապարակներում աշխատանքի համար Տաջիկստանից, Ուզբեկստանից, Ղազախստանից եւ Թուրքիայից ներգաղթյալների մուտքի մեխանիզմը: Այս մասին հայտարարել է ՌԴ բնակարանային-կոմունալ տնտեսության եւ շինարարության նախարար Իրեկ Ֆայզուլինը:
«Հանձնաժողով է ստեղծվել Տաջիկստանի, Ուզբեկստանի, Ղազախստանի, Թուրքիայի մասով: Մենք այդ ընթացակարգը (ՌԴ արտասահմանյան աշխատուժի ներկրում-ՏԱՍՍ) հարթել ենք»,-ասել է նա, հաղորդում է ՏԱՍՍ-ը:
Նախարարի խոսքով՝ ՌԴ ներգաղթյալների մուտքի խնդրանքով նախարարություն կարող են դիմել խոշոր շինարարական ընկերությունների ներկայացուցիչները կամ տարածաշրջանի ղեկավարները: Նա նաեւ հայտնել է, որ սահմանների բացումից հետո հնարավոր կլինի արտասահմանյան աշխատողների նոր մեխանիզմ քննարկել:
Ավելի վաղ ՌԴ նախագահ Վլադիմիր Պուտինը հանձնարարել է մինչեւ 2021 թվականի մարտի 1-ը պարզեցնել շինհրապարակներում աշխատանքային ներգաղթյալների ներգրավումը՝ պահպանելով սանիտարահամաճարակաբանական պահանջները: