Բաղդադի կենտրոնում ահաբեկչության պատասխանատվությունը ստանձնել է «Իսլամական պետությունը», որի հետեւանքով զոհվել էր ավելի քան 30 մարդ, իսկ տասնյակ մարդիկ ստացել էին մարմնական վնասվածքներ, փոխանցում է AP-ն:
ԻՊ-ի հետ կապված վեբկայքում տարածված հայտարարության մեջ խմբավորումը նշել է, որ պայթյուններն «ուղղված էին ուխտադրուժ շիաների դեմ»: Հայտարարության մեջ նշված է, որ առաջին պայթյունը կատարել է Աբու Յուսեֆ ալ Անսարին, իսկ երկրորդը՝ Մոհամմեդ Արիֆ ալ Մուհաջիրը:
Նախօրեին պայթյունների հետեւանքով զոհվել էր նվազագույնը 32 մարդ, իսկ ավելի քան 100-ը վիրավորվել էր: Պաշտոնատար անձանց խոսքով՝ առաջին մահապարտ ահաբեկիչը աղմկոտ շուկայի մեջտեղում բարձրաձայն բղավել է, որ ինքը հիվանդ է, որի հետեւանքով նրա շուրջը բազմություն է հավաքվել, եւ այդ ժամանակ նա գործի է դրել պայթուցիկով իր գոտին: Երկրորդը պայթել է դրանից կարճ ժամանակ անց:
