ԲԴԽ անդամի թեկնածու Դավիթ Խաչատուրյանը չի ցանկանում խոսել «վնգստացող դատավորների» մասին:
Ավելի վաղ հայտնել էինք, որ այսօր Ազգային ժողովը՝ հետաձգելով բոլոր անհետաձգելի գործերը, զբաղվել է ԲԴԽ անդամների թեկնածուների հարցի քննարկմամբ: Թեկնածուներից մեկը՝ Դավիթ Խաչատուրյանը, լրագրողների հետ զրույցում փորձեց իր մասնագիտական տեսակետը հայտնել արդարադատության ոլորտում խնդիրների վերաբերյալ: Սակայն լրատվամիջոցները հասկանալի պատճառները հետաքրքրվեցին ԲԴԽ անդամի թեկնածուից որոշ հեռուն գնացող հայտարարություններից եւ դատական ոլորտում իշխանությունների գործողություններից: Լրագրողները փորձեցին պարզել Խաչատուրյանի վերաբերմունքը վարչապետ Նիկոլ Փաշինյանի՝ «վնգստացող դատավորների» մասին հայտարարության հանդեպ:
Նախ նա հայտարարեց, թե չի ցանկանում քաղաքական հայտարարություններ մեկնաբանել եւ նույնիսկ փորձեց հեռանալ: Հիշեցմանը, թե ինքը եւ ԲԴԽ նախագահը բացասական են արձագանքել այդ հայտարարությանը, նա նկատեց, որ յուրաքանչյուրն իր կարծիքն ունի:
«Քաղաքական թիմն առաջադրում է ոչ թե կարծիքի, այլ մասնագիտական որակների համար»,-ասաց Խաչատուրյանը՝ հավելելով, որ «եթե ասել է, հավանաբար, դրա համար հիմքեր է ունեցել», եւ հայտարարությունն արվել է կոնկրետ իրավիճակում:
Ուղիղ հարցին, թե արդյոք վիրավորական չէ նման հայտարարությունը, Խաչատուրյանը վստահեցրեց, որ եթե նման հայտարարություն իր հասցեին արվի, նա անպայման կպատասխանի:
