Խողովակներ տեղադրող «Ակադեմիկոս Չերսկի» նավը, որն ունակ է ավարտին հասցնել «Հյուսիսային հոսք 2» նախագծի շինարարությունը, ժամանել է Գերմանիայի Վիսմարի նավահանգիստ: Այս մասին վկայում են նավերի տեղորոշման Marine Traffic գլոբալ համակարգի տվյալները:
«Ակադեմիկոս Չերսկին» հունվարի 21-ի էր շարժվել դեպի գերմանական Վիսմարի նավահանգիստ:
Վերջին ամսվա ընթացքում նավը կանգնած էր Կալինինգրադի մերձակայքում:
Հունվարի սկզբին «Ակադեմիկոս Չերսկին» կարճ ժամանակով մոտեցել էր գազատարի անավարտ հատվածին՝ Դանիայի Բորնհոլմ կղզու մոտակայքում, ապա կրկին վերադարձել Ռուսաստան, հաղորդում է Gazeta.ru-ն:
Ավելի վաղ ԱՄՆ-ը պատժամիջոցներ էր սահմանել «Ֆորտունա»-ի եւ նավի սեփականատեր «KBT-Ռուս» ընկերության դեմ:
«Հյուսիսային հոսք 2» նախագծի իրականացումը կասեցվել էր կապված գազատարների կապալառուների նկատմամբ 2019 թվականի դեկտեմբերին Միացյալ Նահանգների կողմից սահմանված պատժամիջոցների հետ: Նախագահ Վլադիմիր Պուտինը 2020 թվականի հունվարին հայտարարել էր, որ «Հյուսիսային հոսք 2»-ը ավարտին կհասցվի ռուսական ուժերով, բայց շինարարությունը կավարտվի նախատեսվածից մի քանի ամիս ուշ: