Իրանը պետք է վերադառնա միջուկային գործարքի պահպանմանը: Արեւմուտքը չպետք է ազդանշաններ ուղարկի այն մասին, որ պատրաստ է ուշադրություն չդարձնել Թեհրանի կողմից Համատեղ համապարփակ գործողությունների ծրագրի (ՀՀԳԾ) խախտմանը: Այս մասին BBC-ի հետ զրույցում ասել է Մեծ Բրիտանիայի արտաքին գործերի կրտսեր նախարարը, ով համակարգում է Մերձավոր Արեւելքի եւ Հյուսիսային Աֆրիկայի հարցերը:
«Չեմ կարծում, որ մենք պետք է ազդանշաններ ուղարկենք այն մասին, որ պատրաստ ենք ուշադրություն չդարձնել Թեհրանի կողմից ՀՀԳԾ-ի խախտմանը: Հենց Իրանն է խախտում ՀՀԳԾ-ն, հենց նրանք կարող են ամեն ինչ փոխել եւ վերադառնալ պարտավորությունների կատարմանը»,-ասել է նա:
ԱՄՆ նախագահ Ջո Բայդենի վարչակազմը հայտարարել է, որ պատրաստ է թարմացնել Իրանի եւ համաշխարհային տերությունների միջեւ 2015 թվականին կնքված համաձայնագիրը, որից 2018 թվականին հրաժարվել է նախկին նախագահ Դոնալդ Թրամփը:
