Երիտասարդները բողոքի ակցիա են սկսել Երեւանի պետական համալսարանի մոտ: Երիտասարդները ենթով շարժվեցին դեպի համալսարանի շենք, մտան ներս եւ վանկարկում են. «Նիկոլ դավաճան», «առանց Նիկոլ Հայաստան»: Նրանք կոչ են անում ուսանողներին եւ դասախոսներին միանալ իրենց պայքարին:
Ակցիան սկսելուց առաջ ՀՀԿ երիտասարդական թեւի ղեկավար Հայկ Մամիջանյանը լրագրողների հետ զրույցում ասաց. «Շատ երիտասարդներ չեն հասկանում, թե որը կարող է լինել իրենց անելիքը, եւ մենք այստեղ ենք նաեւ իրենց հուշելու, որ ցանկացած անհնազանդության ակցիա, ասենք խանութում մանրը վերցնելիս ասել՝ Նիկոլ դավաճան, շարասյունը տեսնելիս ազդանշան տալ, ընկերներով հավաքվել ու փակել մի փողոց: Յուրաքանչյուր նման գործողություն հունից հանում է Նիկոլին, որովհետեւ ինքը շատ լավ հասկանում է, որ կա ոչ թե հասարակական պահանջ իր հեռանալու, այլ ռադ լինելու: Յուրաքանչյուր դրսեւորումը իրեն հունից հանում է: Վստահ եմ, որ երիտասարդներից յուրաքանչյուրն իր ձեւով անհնազանդություն կարող է հայտնել»:
Մամիջանյանը անդրադառնալով Նիկոլ Փաշինյանի երեկ տված հարցազրույցին՝ նշեց. «Խորը տապալված հարցազրույցից հետո շատերը հասկացան, որ ոչ թե «Իսկանդերն» է 10 տոկոսով աշխատում, այլ իր ուղեղը կամ առհասարակ չի աշխատում, կամ 10 տոկոսն է աշխատում:
Մեր նպատակն է, որ յուրաքանչյուր երիտասարդ իր չափով, իր ձեւով մասնակցի հայրենիքի փրկությանը: Վստահ եմ, որ երիտասարդներից ամեն մեկը գտնի մի միջոց, մի փայտ, ավելացնելու հայրենիքի փրկության շարժման գործին»: