3.2% տնտեսական աճի նպատակը 2021թ-ի համար խիստ ամբիցիոզ է, իսկ ներկա կառավարման պայմաններում կասեի՝ անհասանելի։ Այս մասին Ֆեյսբուքի իր էջում գրել է Ֆինանսների նախկին նախարար Վարդան Արամյանը։

Նա, մասնավորապես, նշել է․

«Երեկ վիճակագրական ծառայությունը հրապարակեց 2021թ․-ի առաջին ամսվա օպերատիվ տնտեսական ցուցանիշները:

Ինչպես եւ ակնկալվում էր, տարվա մեկնարկը տրվեց տնտեսական անկմամբ.

Տնտեսական ակտիվություն – անկում՝ -7.5%,

Արդյունաբերություն – անկում՝ -10.8%

Շինարարություն – աճ՝ 0.8%

Առեւտուր – անկում՝ -15.1%

Ծառայություններ – անկում՝ -10.3%

Գնաճ - 4.5% հիմնականում կրում է փոխարժեքի արժեզրկման ազդեցությունը (առաջարկի գնաճ է)

Միջին ամսական աշխատավարձեր – անկում՝ -3.8%

Արտաքին առեւտրաշրջանառություն – անկում՝ -16.8%

Արտահանում – անկում՝ -11.3%

Ներմուծում –անկում՝ -20%

Ի հարկե այստեղ կա նաեւ նախորդ տարվա նույն ժամանակահատվածի համեմատ բազային էֆֆեկտ հասկացությունը, սակայն մյուս կողմից պետք չէ մոռանալ նաեւ տնտեսական պրոցեսների իներցիայի ինչպես նաեւ կառավարության տնտեսական քաղաքականության դիսկրեցիայի պահը, որոնք երկուսն էլ ներկա դրությամբ դեպի ներքեւ են ձգում տնտեսությունը: Հետեւապես վերահաստատում եմ ամիսներ առաջ արած իմ դիտարկումը. 3.2% տնտեսական աճի նպատակը 2021թ-ի համար խիստ ամբիցիոզ է, իսկ ներկա կառավարման պայմաններում կասեի՝ անհասանելի»։