Նախագահը Գլխավոր շտաբի պետին ազատելու վարչապետի առաջարկությունը համարել էր հակասահմանադրական եւ այդ հիմքով վերադարձրել էր առաջարկությունը: Այս մասին, այսօր՝ մարտի 6-ին, ՊՆ-ի շենքի դիմաց հաջակցություն ԳՇ պետ Օնիկ Գասպարյանի և բանակի ակցիայի ժամանակ նշեց Փաստաբանների պալատի նախագահ Արա Զոհրաբյանը:
«Հիմա նախագահը փոխանակ իր սահմանադրական պարտքը կատարի եւ այս վեճը տեղափոխի ՍԴ, ասում է՝ ես չեմ ստորագրելու հրամանագիրը: Եթե չի ստորագրում հրամանագիրը, դա նույնն է, որ ստորագրում է հրամանագիրը, հրամանագիրը համարվում է ուժի մեջ մտած: Հիմա եթե նախագահը չդիմեց ՍԴ, ստացվում է, որ ինքը դրդում է, որ այս հարցերը լուծվեն փողոցում, ոչ սահմանադրական ճանապարհով:
Մենք առաջարկում ենք հետեւյալ գործողությունների պլանը. Այստեղից գնում ենք Բաղրամյան 26, այնտեղ մեզ կմիանան այլ քաղաքացիներ եւ պահանջում ենք հանդիպում ՀՀ նախագահի հետ:
Եթե նա խուսափի հանդիպումից, կփորձենք երթով գնալ իր կեցության վայրը: Մենք նրանից ունենք մեկ պահանջ՝ դիմել ՍԴ՝ ԶՈՒ ԳՇ պետըին ազատելու վերաբերյալ վարչապետի առաջարկությունը Սահմանադրությանը հակասող ճանաչելու պահանջով»,-ասաց Զոհրաբյանը:
Նա հավելեց, որ եթե նախագահը չընդունի իրենք, կփորձեն քննարկել, թե ինչու է վախենում հանդիպումից:
«Այստեղից Բաղրամյան մեկնում ենք ոչ թե երթով, այլ մեքենաներով»,-ասաց նա:
Դրանով ակցիան ավարտվեց: