Մեզ ասացին, որ շատ հնարավոր է, որ Նիկոլ Փաշինյանը իր ծառայողական մեքենան թողել է եւ հեռացել: Այս մասին այսօր` մարտի 13-ին, ԱԳՆ շենքի մոտ տեղի ունեցող ակցիայի ժամանակ ասաց ՀՅԴ երիտասարդական թեւի անդամ Գերասիմ Վարդանյանը:
«Մեզ ասացին, որ շատ հնարավոր է, որ Նիկոլ Փաշինյանը իր ծառայողական մեքենան թողել է եւ ինչ-որ քաղաքացիական մեքենայի բեռնախցիկում տեղավորվելով որպես ուսապարկ, կամ չգիտեմ կարտոֆիլի պարկ, հեռացել է: Այս պահին այսպիսի տեղեկություններ կան, բայց հստակ չէ` էդ սողունը փախել է, հեռացել է, թե որպես ուսապարկ տեղավորվելով փորձել է ճողոպրել այստեղից»,-ասաց նա:
Նշենք, որ Նիկոլ Փաշինյանը այսօր այցելելու էր ԱԳՆ դիվանագետի օրվանից 11 օր անց շնորհավորելու դիվանագետներին: Հայրենիքի փրկության շար-ման անդամները հավաքվել են ԱԳՆ շենքի մոտ թույլ չտալու նրա մուտքը:
Նշենք, որ մինչ այս պահը Փաշինյանը չի մոտեցել շենքին: ԱԳՆ շենքի մոտ նաեւ մեծ թվով ոստիկաններ կան:
