SpaceX-ը հերթական անհաջող վայրէջքն է կատարել: Մարսիական հրթիռի նախատիպը պայթել է անմիջապես վայրէջքից առաջ, հայտնում է AP-ն: Հրթիռի տեսախցիկը Հարավային Տեխասում խիտ մառախուղի միջից ֆիքսել է, թե ինչպես է հրթիռը պայթել փորձնական թռիչքի վեցերորդ րոպեին: Իսկ մեկ այլ տեսանյութում երեւում է, թե ինչպես են թափվում բեկորները եւ պայթյուններ լսվում:

SpaceX-ի գործադիր տնօրեն Իլոն Մասկը Twitter-ում գրել է, որ «գոնե խառնարանը ճիշտ տեղում է գտնվում»: Նա անվանել է մեկնարկի եւ վայրէջքի տեղը Տեխասի հարավ-արեւելքում, Մեքսիկայի սահմանի մոտ: Հրթիռը չորրորդ լիարժեք մասշտաբային մոդելն էր՝ պատրաստված չժանգոտվող պողպատից, որը արձակվել էր դեկտեմբերից մինչեւ 6 մղոն (10 կիլոմետր) բարձրության վրա:

Նախորդ երեքը նույնպես պայթել էին վայրէջքի ժամանակ կամ վայրէջքից անմիջապես հետո: SpaceX-ը նախատեսում է օգտագործել Starship-ը տիեզերագնացներին եւ բեռներ Լուսին, եւ, ի վերջո, Մարս ուղարկելու համար: Այս ամսվա սկզբին Մասկն ասել է, որ SpaceX-ը «2030 թվականից շատ ավելի շուտ» տիեզերանավեր կուղարկի Մարս։