«Հնարավոր է»,- հայտարարել է նախագահ Արմեն Սարգսյանը՝ պատասխանելով հունիսի 20-ի արտահերթ ընտրությունների մասին РБК-ի հարցին։
Հստակեցնող հարցին, թե ինչու հնարավոր է, Սարգսյանը պատասխանել է, որ այս օրը կորոշվի, թե երբ կսկսվեն համապատասխան գործընթացները: «Խորհրդարանում ներկայացված երեք քաղաքական կուսակցությունները պայմանավորվել են, որ ընտրությունները պետք է անցկացվեն հունիսի 20-ին, բայց նրանք պետք է անցնեն որոշակի գործընթաց խորհրդարանի միջոցով, վարչապետի հրաժարական... Այս ամենը պետք է հայտնվի իմ սեղանին, այդ ժամանակ էլ օրը կորոշվի։ Այս Սահմանադրության համաձայն՝ նախագահն ընտրություն ունի՝ ստորագրել կամ գուցե ուղարկել ՍԴ.. Առայժմ ես ոչ մի բան չեմ ստորագրել հունիսի 20-ի համար»:
Հարցին, թե որքան մեծ է հավանականությունը, որ հունիսին ընտրություններ կլինեն, եւ ինչից է դա կախված, բացի իր ստորագրությունից, Սարգսյանը նշել է. «Բայց այն կարեւոր է...»: «Չէ որ ասացի՝ մենք ապրում ենք քվանտային աշխարհում, եւ վաղը ամեն ինչ կարող է փոխվել: Եւ քաղաքական կուսակցությունների որոշումները, եւ որոշ այլ գործոններ, որոնք կարող են ազդել դրա վրա: Առայժմ, այս պահին, քաղաքական կուսակցությունները որոշել են գնալ ընտրությունների... Բայց ճգնաժամից դուրս գալու ելքը ես այլ կերպ եմ պատկերացրել ու պատկերացնում: Սա դասական ելք է: Նման իրավիճակներում շատ երկրներում կառավարությունը հրաժարական է տալիս: Եւ այդ դեպքում ստեղծվում է ազգային միասնության կառավարություն՝ կա՛մ քաղաքական կուսակցությունների մասնակցությամբ, կա՛մ առանց նրանց, միայն պրոֆեսիոնալների մասնակցությամբ»,- ասել է Սարգսյանը՝ հավելելով, որ այս կառավարությունն է որոշում Սահմանադրության եւ Ընտրական օրենսգրքի հետ կապված հարցերը:
Բայց իրականում ամեն ինչ ավելի բարդ է: «Ենթադրենք ներկայիս կառավարությունը հրադադարի պայմանագիր է ստորագրել: Ո՞վ է պետք է դրա համար պատասխան տա»:
