Մեքսիկայում պատգամավորի թեկնածուն սկսել է իր նախընտրական քարոզարշավն ուշագրավ ձեւով՝ դագաղից բեմականացված հուղարկավորման արարողակարգից հետո:
Կառլոս Մայորգան ժամանել է հյուսիսային սահմանամերձ քաղաքի եւ Տեխաս նահանգի Էլ Պասոյի միջեւ միջազգային կամրջի վրա դագաղի մեջ կատաֆալկում:
Տեսագրության մեջ երեւում է՝ ինչպես են տղամարդիկ դուրս բերում ոսկեգույն դագաղը կատաֆալկից եւ դնում սեղանին:
Տղամարդկանցից մեկի օգնությամբ թեկնածուն «հարություն է առնում» եւ առանց որեւէ դիմախաղի ու ժպիտի նշույլի ելույթ ունենում:
«Ես Կառլոս Մայորգան եմ՝ Մեքսիկայի Չիուաուա նահանգի Սյուդադ Խուարես քաղաքի 1,5 միլիոն բնակիչներից մեկը, որոնք մահացել են քաղաքական գործիչների անտարբերության հետեւանքով»,-նշել է նա:
