ՀՀ իշխանությունը պետք է Թուրքիայի նկատմամբ զգուշություն ցուցաբերի: Այս մասին այսօր՝ ապրիլի 23-ին, «Հայաստանը եւ Թուրքիան Հարավային Կովկասում. իրողություններ եւ ռիսկեր» թեմայով խորհրդաժողովի ժամանակ ասաց ԵՊՀ արեւելագիտության ֆակուլտետի դեկան Ռուբեն Մելքոնյանը:
Նա ՀՀ փոխվարչապետ Տիգրան Ավինյանի հարցազրույցներից մեջբերում արեց, որում նա հայտարարել էր, որ սահմանապահները սահմանին ժամանակավոր են տեղակայվում մինչ դելիմիտացիան եւ դեմարկացիան, որը կկայանա Ադրբեջանի եւ Թուրքիայի հետ երկկողմ հարաբերությունների հաստատումից հետո:
«Այսինքն՝ Թուրքիայի հետ երկկողմ հարաբերությունների հաստատումը ենթադրում է եւս մեկ նախապայման: Սա այն է, ինչ արել են 1973 թվականին, եւ այն, ինչ փորձում էին անել 2009 թվականին: Այսինքն՝ Կարսի պայմանագիրը ճանաչելու պահանջ կամ նոր ճանաչում, որը, քաղաքականության տեսանկյունից, կարող է անիրական թվալ: Այնուամենայնիվ, մենք պետք է հարցին այլ տեսանկյունից նայենք»,-պարզաբանեց Մելքոնյանը:
Այսպես, փորձագետի կարծիքով՝ Թուրքիայի համար դա գերկարեւոր նշանակություն ունի, քանի որ Հայաստան՝ եւս մեկ անգամ ընդունելով տվյալ նախապայմանը, ֆիքսում է իր պարտությունը:
