Իսրայելի վարչապետ Բենյամին Նեթանյահուի՝ կառավարություն կազմելու մանդատի ժամկետը լրացել է չորեքշաբթի կեսգիշերին, հայտնում է «ՌԻԱ Նովոստի»-ն:

Ապրիլի սկզբին Իսրայելի նախագահ Ռեուվեն Ռիվլինը երկրի ներկայիս վարչապետ Բենյամին Նեթանյահուին հանձնարարել էր 24-րդ Քնեսետի ընտրություններից հետո նոր կառավարություն կազմել՝ լուրջ կասկածներ հայտնելով, որ ներկայիս պայմաններում թեկնածուներից մեկին կհաջողվի ձեւավորել այն: Օրենքը 28 օր է տալիս կոալիցիայի շուրջ բանակցությունների համար:

Նեթանյահուն երկուշաբթի հայտարարել էր, որ «Յամինա» կուսակցության առաջնորդ Նաֆթալի Բենեթը կարող է առաջինը լինել ռոտացիայում մեկ տարով կառավարության ղեկավարի պաշտոնում: Նա հավելել էր, որ «Յամինա» կուսակցության անդամներին «կարեւոր պաշտոններ» կառաջարկվեն կառավարությունում եւ Քնեսետում:

«Բենետի՝ աջակողմյան կառավարություն մտնելուց հրաժարվելու պատճառով, ինչն անկասկած կհանգեցներ Կառավարության ձեւավորմանը՝ Քնեսետի մյուս անդամների միանալով, վարչապետ Նեթանյահուն այժմ վերադարձնում է մանդատը նախագահին»,- Twitter- ի իր էջին ասել է «Լիկուդ» կուսակցությունը մանդատի ժամկետի ավարտից րոպեներ առաջ:

Նախագահ Ռեուվեն Ռիվլինը հայտնել է, որ վաղը առավոտյան կուսակցությունների հետ կկապվեն «կառավարության ստեղծման գործընթացի հարցով»:

Քնեսեթի 24-րդ ընտրությունները տեղի ունեցան մարտի 23-ին եւ դարձան չորրորդ անընդմեջ արտահերթ ընտրությունները երկու տարվա ընթացքում, այն բանից հետո, երբ նախորդ խորհրդարանը քվեարկեց ինքնալուծարման օգտին: Ընտրությունների արդյունքների համաձայն՝ հաղթող կուսակցության առաջնորդը պետք է փորձի մեծամասնության կոալիցիա ստեղծել, ինչի համար անհրաժեշտ է ստանալ 120 պատգամավորից առնվազն 61-ի աջակցությունը, նոր ընտրությունները կարող են նշանակվել այս տարվա աշնանը: 

Կայուն կառավարություն չձեւավորելու անկհնարինությունը վերջին երկու տարվա ընթացքում չորրորդ անընդմեջ խորհրդարանական ընտրություններին հանգեցրեց :
.