News
Լրահոս
News
Երկուշաբթի
Հունիս 14
Տեսնել լրահոսը


ՀՀ  ոստիկանությունը տեսանյութ է  պատրաստել պատերազմում զոհված ոստիկանության ծառայողներ Արամ և Ժորա Արզումանյանների մասին:

«Արամ և Ժորա Արզումանյաններ։ Ոստիկանության մեծ ընտանիքի ևս երկու անդամ, որոնք հանուն հայրենիքի գնացին պատերազմ ու բռնեցին անմահության ճանապարհը։

Եղբայրներից կրտսերը Ժորան էր։ Ծնվել է 1991 թվականին, Արարատի մարզի Արալեզ գյուղում։ Ավարտել էր դպրոցը, ծառայել բանակում, կազմել ընտանիք։ Ունի մեկ որդի՝ Սուրենը։ 2014 թվականից ծառայում էր ոստիկանության զորքերում։

Ավագ եղբայրը՝ Արամ Արզումանյանը, ծնվել է 1986 թվականին, Արալեզ գյուղում։ Ամուսնացած էր, ունի երկու դուստր՝ Էմման ու Նարեն։ Ոստիկանության զորքերում ծառայության էր անցել 2019 թվականից։

Ինչպես հայրը՝ Սուրեն Արզումանյանն էր 90-ականներին մասնակցել Հայաստանի սահմանների պաշտպանությանը, այնպես էլ որդիները 44-օրյա պատերազմին երկու անգամ գնացին կռվելու հանուն հայրենիքի։ Առաջին անգամ՝ սեպտեմբերի 29-ին։ Մասնակցում էին Քարվաճառի պաշտպանությանը։

Մեկ ամիս անց վերադարձան Քարվաճառից։ Հանգստանալու համար մի քանի օր ունեին։

Երկրորդ անգամ Արցախ մեկնեցին նոյեմբերի 2-ին։ Այս անգամ՝ Շուշի։ Եղբայրները դարձյալ միասին էին։ Նոյեմբերի 4-ին մասնակցեցին ծանր մարտերի։ Թշնամին մեծաքանակ ուժերով հարձակում էր ձեռնարկել հայոց հինավուրց բերդաքաղաքի ուղղությամբ։ Ոստիկանության զորքերի զորախումբը Շուշիի մատույցներում շարունակում էր պաշտպանական մարտերը։ Մարտերը գնալով թեժանում էին: Եղբայրներից առաջինը զոհվեց Արամ Արզումանյանը…

Եղբայրների մարմինները հայտնաբերվեցին նոյեմբերի 13-ին։ Չորս տարի առաջ հենց այդ օրն էր Ժորան ընտանիք կազմել ու ապագայի հիմքը դրել։

Արզումանյան եղբայրները, թև ու թիկունք, կռվեցին մինչև վերջ։ Կռվեցին հանուն հայրենիքի, հանուն հայոց բերդաքաղաքի։ Կռվեցին ու դարձան հայրենիքի անմահ պաշտպաններ»։

Տպել
Կարդացեք նաև
Ամբողջը
Ադրբեջանի ՊՆ-ն հրապարակել է զոհվածների ցուցակը. 2904 զոհված
Եվս 10 զինծառայող անհետ կորած է համարվում...
Քոչարյան. Ես բավարար հիմքեր ունեմ համարելու, որ առնվազն ԼՂԻՄ-ի շրջանակներում Արցախը վերականգնելու հնարավորություն կա
«Որքան շուտ վերականգնենք բանակը, այնքան ուժեղ կլինեն մեր դիրքերը...
Ռոբերտ Քոչարյանը խոստանում է պատերազմում զոհվածների վերաբերյալ տվյալներ հրապարակել
«Մենք անկեղծորեն կասենք, թե քանի մահացած, անհայտ կորած, գերի կա...
Պատգամավոր. Նիկոլ Փաշինյանը ստում է, նա արդեն հանձնել է ականադաշտերի հիմնական քարտեզը
«Ստացվում է, որ Փաշինյանը սպասում էր քարոզարշավին` այս գործարքն իրականացնելու եւ վարկանիշ ձեռք բերելու համար...
ԵՄ-ն Հայաստանին եւ Ադրբեջանին կոչ է անում վերսկսել առարկայական բանակցությունները ԵԱՀԿ Մինսկի խմբի հովանու ներքո
«Դրանք կարեւոր մարդասիրական քայլեր եւ վստահության ամրապնդման ժեստեր են Բաքվի եւ Երեւանի կողմից...
ԵԽԽՎ զեկուցողը ողջունել է 15 հայ ռազմագերիների ազատումը
«Այսօր մենք կարող ենք ողջունել, որ երկու կողմերն էլ, միջազգային տարբեր դերակատարների օգնությամբ եւ աջակցությամբ, միասին աշխատում են պատերազմի երկու ամենակարեւոր մարդասիրական հետեւանքների մասով լուծումներ գտնել ուղղությամբ...
Ամենաշատ