Հայաստանում անցած ժամանակահատվածում տեղի են ունեցել խորքային բարեփոխումներ, որոնք ազդել են բոլոր ոլորտների վրա՝ տնտեսությունից եւ արդարադատությունից մինչեւ բնության պահպանություն: Այս մասին մայիսի 10-ին Ազգային ժողովի հատուկ նիստում ՀՀ վարչապետի ընտրության հարցի քննարկման ժամանակ հայտարարեց վարչապետի պաշտոնակատար Նիկոլ Փաշինյանը՝ խոսելով իր եռամյա կառավարման արդյունքների մասին:
Նա, մասնավորապես, դժգոհեց ԶԼՄ-ներում հոդվածների վերնագրերից` հայտարարելով, որ դրանք չեն արտացոլում իրականությունը:
«Իրականում խորքային բարեփոխումներն անդրադարձել են երկրի կենսագործունեության բոլոր ոլորտների վրա: Երբ ես ստանձնեցի վարչապետի պաշտոնը, կառավարության պարտքը տնտեսվարող սուբյեկտներին ԱԱՀ-ի դեբետային մնացորդի նկատմամբ կազմում էր մոտ 274 միլիարդ դրամ: Այսօր, ըստ էության, Կառավարությունը պարտքեր չունի բիզնեսին, քանի որ դրանք զրոյացվել են: Մենք երեք տարվա ընթացքում բիզնեսին վերադարձրել ենք 500 միլիոն դոլար»,- ասաց Փաշինյանը: