News
Լրահոս
News
Շաբաթ
Հունիս 12
Տեսնել լրահոսը

Ընտրությունների գնալու Հայաստանի իշխանությունների որոշումը պայմանավորված է հասարակության ճնշմամբ, նրանք, ըստ երեւույթին, ընտրել են հեռանալու օրինական ճանապարհը: Այս մասին մայիսի 11-ին լրագրողների հետ հանդիպմանը հայտարարեց «Հայրենիք» կուսակցության խորհրդի անդամ Արա Սահակյանը:

Սա, նրա խոսքով, խաղաղ հեռանալու նրանց վերջին հնարավորությունն է, թեեւ արդեն արյուն են թափել՝ պատերազմում պարտություն պատրաստելով:

Նա համոզմունք հայտնեց, որ իշխանություններն իրենք էլ չեն հավատում իրենց լեգիտիմությանը, հակառակ դեպքում չէին գնա ընտրությունների՝ դրանով իսկ սխալ թույլ տալով, քանի որ խորհրդարանի երեկվա նիստը նրանց համար «վերջին զանգ» էր, հրաժեշտի հանդիպում:

«Երեկ պատգամավորները խոսեցին ամեն ինչի մասին, բացի Ղարաբաղից եւ պատերազմի հետեւանքներից, թեեւ ակնհայտ է, որ նրանց հասցեին մեղադրանքները կապված են ոչ թե ճանապարհների վիճակի, այլ պատերազմում կրած պարտության, Ղարաբաղը հանձնելու, անհեռատես քաղաքականության հետ: Մենք անընդհատ խոսելու ենք իշխանությունների հայտարարությունների մասին եւ օգտագործելու ենք դրանք: Հասարակության առջեւ հաշվետու են իշխանությունները, իսկ ընդդիմությունը կարող է խոսել խոստումների, ծրագրերի եւ ցանկությունների մասին: Որքան մոտենում է ընտրությունների օրը, այնքան ավելի շատ են իրավիճակի փոփոխության հույսերը»,- հավելեց քաղաքական գործիչը:

Ինչ վերաբերում է Հայաստանի երեք նախկին նախագահների ակտիվությանը, բոլորը, ինչպես բացատրեց Արա Սահակյանը, հայտնվել են պայքարի նույն ճամբարում: «Ես միշտ եղել եմ լայն համախմբման կողմնակից, միեւնույն ժամանակ կա ըմբռնում, որ այն կարող է սահմանափակվել նախընտրական արշավի շրջանակներում կամ ընտրություններին հաջորդող ժամանակահատվածով»,- ընդգծեց ընդդիմադիրը:

Նա հայտարարեց, որ Հայաստանի հանրապետական կուսակցության եւ «Հայրենիք» կուսակցության համագործակցությունը սկսվել է պատերազմից անմիջապես հետո, եւ վեց ամսվա ընթացքում հասկացել են, որ կարող են միմյանց վստահել, բացի այդ՝ երկու ուժերի գաղափարախոսության հիմքում նույն արժեքներն են։

«Այնուհետեւ ակտիվացավ երկու կուսակցությունների ղեկավարների միջեւ շփումը: Մենք երբեք խնդիրներ չենք ունեցել ՀՀԿ-ի հետ: Ինչ վերաբերում է «Հայրենիք» կուսակցության նախագահ Արթուր Վանեցյանին, լինելով Հայաստանի ազգային անվտանգության ծառայության տնօրեն, նա չի խառնվել քննիչների ու դատավորների գործերին: Վանեցյանն, ըստ էության, առաջիններից մեկն էր, որ ներկայիս իշխանությանը կոչ արեց կանգ առնել»,- եզրափակեց Արա Սահակյանը:

Նշենք, որ հունիսի 20-ին կայանալիք արտահերթ խորհրդարանական ընտրություններին «Հայրենիք» եւ ՀՀԿ կուսակցությունները կմասնակցեն միասնական «Պատիվ ունեմ» դաշինքով:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Քաղաքացիական պայմանագիրը» հունիսի 21-24-ը հանրահավաք կանի Հանրապետության հրապարակում
Երևանի քաղաքապետարանի պաշտոնական կայքի «Հանրային հավաք» բաժնից...
Ռոբերտ Քոչարյան. Այո, եղել է բռնապետություն՝ պատասխանատվության բռնապետություն
Մենք գալիս ենք, որպեսզի բերենք արժանապատիվ խաղաղություն, վերականգնենք բանակը, պաշտպանենք սահմանները, ապահովենք տնտեսական աճ․․․
Սերժ Սարգսյանը հրաժարվել է հարցազրույց տալ Պետրոս Ղազարյանին. Արմեն Աշոտյանը նշեց պատճառը
Մինչեւ երեկ ես Հանրային հեռուստաընկերության հետ բանակցությունների մեջ էի, որ հունիսի 14-ին երրորդ նախագահ Սերժ Սարգսյանը հյուրընկալվի...
Հենրիկ Քոչինյան. Ես ինքս եմ տեսել, թե ինչպես է դողում Հեյդար Ալիեւի կզակը Ռոբերտ Քոչարյանի առջեւ
Այս տաղանդավոր մարդկանց աշխատանքը ղեկավարում էր Ռոբերտ Քոչարյանը․․․
Խորհուրդ կտայի՝ նույն հոխորտանքով, նույն պողպատով խոսեր Ալիեւի եւ մեր թշնամիների մասին․ Բագրատ եպիսկոպոս Գալստանյան
Ինչպես այս երեք տարիներին․․․
Հանրայինը հիմա աշխատում է որպես «Գռզո TV». մերժել են մեր տեսահոլովակի հեռարձակումը. Աշոտյան
Այսօր տեղի է ունեցել մի տհաճ միջադեպ, որը մենք դիտարկում ենք ոչ թե պատահականություն, այլ ուղղորդված քաղաքականություն...
Ամենաշատ
Ֆոտոռեպորտաժներ