News
Լրահոս
News
Չորեքշաբթի
Հունիս 23
Տեսնել լրահոսը

Թուրքիայի եւ ՆԱՏՕ-ի մյուս անդամ երկրների միջեւ լարվածությունն ամենամեծ վտանգն է դաշինքի համախմբվածության համար: Այս մասին հայտարարել է Հունաստանի պաշտպանության նախարար Նիկոլաոս Պանագիոտոպուլոսը, գրում է The National-ը:

Նրա խոսքով՝ Հունաստանը չի ձգտում մեկուսացնել Թուրքիային մի շարք նախաձեռնություններից, որոնք նա համաձայնեցրել է երկրների հետ՝ տարածաշրջանային կայունությանը խթանելու համար: Սակայն Անկարան պետք է հետեւի միջազգային իրավունքին եւ հրաժարվի իր՝ հաճախ սադրիչ հռետորաբանությունից:

ՆԱՏՕ-ի անդամ երկրների, Հունաստանի եւ Թուրքիայի միջեւ առանց այդ էլ փչացած հարաբերությունները կտրուկ վատթարացել էին անցյալ տարի` ծովային տարածքի եւ Արեւելյան Միջերկրական ծովում գազի պաշարների հասանելիության շուրջ տարաձայնությունների ֆոնին:

«ՆԱՏՕ-ի ներքին համախմբման հիմնական սպառնալիքը գալիս է Թուրքիայի եւ այլ դաշնակիցների միջեւ առկա լարվածությունից: Ես չէի ցանկանա դրանում միայն Հունաստանին ներառել»,- ասել է Պանագիոտոպուլոսը:

Նա անդրադարձել էր անցյալ ամռան լարված իրավիճակին, երբ Ֆրանսիան ժամանակավորապես դադարեցրել էր աջակցությունը Միջերկրական ծովում ՆԱՏՕ-ի առաքելությանը այն բանից հետո, երբ ֆրանսիական սուզանավը վտանգավոր աստիճանի մոտեցել էր թուրքական նավերին:

Չնայած Հունաստանի պաշտպանության նախարարը հայտարարել է, որ դրանից հետո Թուրքիայի հետ իրավիճակը բարելավվել է, 2020-ի լարվածությունն «ի վերջո ծառայում է ՆԱՏՕ-ի համախմբման ապակայունացմանը»: «Բայց ես հավատում եմ, որ ՆԱՏՕ-ում, հատկապես՝ դրա հարավ-արեւելյան կողմում, կայունությունն ու համաձայնեցումը պահպանելու համար մենք պետք է համոզվենք, որ այդպիսի լարվածությունը չի կրկնվելու,- ասել է նա:- Սա ՆԱՏՕ-յում եւ Եվրոպայում մեր բոլոր ընկերների եւ դաշնակիցների ընդհանուր կարծիքն է»:

Ըստ նրա՝ Հունաստանը ցանկանում է, որպեսզի Թուրքիան լավ հարեւան լինի: «Մենք կցանկանայինք, որպեսզի Թուրքիան, ես չեմ ուզում, որ ինձ սխալ հասկանան,  (համագործակցության) սխեմաների մասնակից դառնա: Բայց դրա համար Թուրքիան պետք է հետեւի կանոններին»,- ասել է նա:

«Ես հասկանում եմ, որ Թուրքիան ներքին խնդիրների է բախվել՝ տնտեսական, քաղաքական խնդիրների, որոնք նախագահ Էրդողանին ստիպել են միանալ ավելի կոշտ ազգայնական տարրերին: Բայց տարածաշրջանում անվտանգությունն ապահովող հուսալի խաղացող լինելու համար առաջին հերթին հարկավոր է հետեւել միջազգային իրավունքի նորմերին»:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Էրդողանը հայտարարել է, որ առանց Թուրքիայի ՆԱՏՕ-ին փլուզում է սպառնում
Առանց Թուրքիայի, ՆԱՏՕ-ին դժվար կլինի ոչ միայն պահպանել իր ուժը, այլեւ իր գոյությունը․․․
Լավրով. Մոսկվան եւ Անկարան շուտով կքննարկեն Ուկրաինայի՝ ՆԱՏՕ մտնելու հարցը
«Ես չեմ կասկածում, որ լուրջ, պատասխանատու պետությունները հիանալի հասկանում են, թե ինչի մասին է խոսքը...
«Թալիբանը» մերժում է Թուրքիայի ռազմական ներկայությունը Աֆղանստանում
Թալիբները կարծում են, որ երկրում օդանավակայանների եւ այլ օբյեկտների պահպանությունը աֆղանցիների պարտականությունն է․․․
Վրաստանը Թուրքիայից աջակցություն է խնդրել Աբխազիայի եւ Հարավային Օսիայի հարցում
Թբիլիսիի համար չափազանց կարեւոր է, երբ Անկարան, որպես ռազմավարական գործընկեր, հայտարարություն է անում․․․
ԱՄՆ-ը պետք է իր միջուկային զենքը դուրս բերի Թուրքիայից. The National Interest
Ինջիրլիքում գտնվող միջուկային ռումբերն առանձնակի տագնապ են հարուցում...
Սպիտակ տուն. Թուրքիան առաջատար դեր կստանձնի Քաբուլի օդանավակայանի անվտանգության ապահովման հարցում
Բայդենն ու Էրդողանը հունիսի 14-ին կայացած ՆԱՏՕ-ի գագաթաժողովում քննարկել են աֆղանական հարցը․․․