Instagram-ի հեղինակները հրապարակել են նոր գործառույթ, որի շնորհիվ այժմ օգտատերերը կարող են ընտրել իրենց համապատասխան դերանունը էջի կարգավորումներում: Այդ մասին ծրագրավորողները հայտնել են թվիթերյան իրենց պաշտոնական էջում, հաղորդում է Lenta-ն:
Դերանունը կարտացոլվի մարդու անվան աջ կողմում, այն կնշվի մոխրագույն փոքր տառերով: Ցանկության դեպքում օգտատերը կկարողանա ցուցադրել իր դերանունը միայն հետեւորդների համար:
NBC News-ի տվյալներով՝ հավելյալ հնավարությունը թույլ կտա տեղ խնայել էջի նկարագրության մասում (կենսագրության հատվածում), որտեղ նշանների քանակը սահմանափակ է: Լրագրողները նշում են, որ թարմ գործառույթը կարող են հավանել ոչ բինար գենդերային ինքնություն ունեցող մարդիկ՝ նրանք, ովքեր իրենց ոչ կին են համարում, ոչ տղամարդ:
Նոր հնարավորությունն արդեն հասանելի է ԱՄՆ-ում Մեծ Բրիտանիայում, Կանադայում եւ Ավստրալիայում: Հետագայում ընկերությունը նախատեսում է միացնել գործառույթը նաեւ մյուս երկրներում: Այն մասին՝ արդյո՞ք ի հայտ կգա «Դերանուն» տողը ծառայության ռուսական տարբերակում, Instagram-ի ներկայացուցիչները դեռեւս չեն նշել: