News
Լրահոս
News
Շաբաթ
Հունիս 19
Տեսնել լրահոսը


Այն, ինչ ունենք այսօր՝ ազգային ողբերգություն է, աղետալի պարտություն, մարդկային կյանքի կորուստ, ինքնիշխանության նվազում, շփոթված, դառնացած ժողովուրդ և փլուզման մեջ իշխանության համար կռիվ տվող զարհուրելի քաղաքական վերնախավ: Այս մասին այսօր` մայիսի 16-ին, ՀԱԿ կուսակցության համագումարի ժամանակ ասաց կուսակցության փոխնախագահ Լևոն Զուրաբյանը:

«Շատ մեծ խելք չպետք է ունենալ հասկանալու համար, որ մեր պետությունը կանգնած է մահացու սպառնալիքների առջև, և պետության թուլացումը հրավիրում է արտաքին ագրեսիան: Իսկ մեր պետության թուլացման ավելի վառ ապացույց, քան այն, ինչ կատարվում է այս մի քանի օրվա մեջ, ուղղակի հնարավոր չէ գտնել: 250 ադրբեջանցի զինվոր կարող են զբոսնելով գրավել ՀՀ տարածքը, իսկ Հայաստանի իշխանություններն այդպես էլ չկարողացան Ֆեյսբուքից դուրս գալ ռեալ կյանք և հոդաբաշխ դիմադրություն կազմակերպել ագրեսորի գործողությունների դեմ, պարզվեց, որ ոչ միայն սահմանապահներ և բանակ չունենք տեղում, այլ նաև գոնե առաջին կուրսեցու գրագիտություն, որպեսզի պատշաճ դիվանագիտական պորոտոկոլի համաձայն դիմենք Ռուսաստանին, ՀԱՊԿ-ին փոխօգնության մեխանիզմներն աշխատեցնելու համար»,- ասաց  նա իր ելույթում:

Լևոն Զուրաբյանի կարծիքով՝ Նիկոլ Փաշինյանն ամբողջ աշխարհին իր դեմ հանեց բանակցությունները պայթեցնող «Արցախը Հայաստան է և վերջ» հայտարարությամբ, ինչպես նաև հրաժարվեց շարունակել բանակցությունները Մինսկի խմբում ձևավորված ձևաչափով և կուլ տալով հուլիսյան դեպքերի հմտորեն մատուցված խայծը՝ Ալիևի ձեռքերն արձակեց վաղուց նախապատրաստված ադրբեջանաթուրքական ագրեսիայի սանձազերծման համար:
«Կարծում եմ, որ «քաղաքացիական պայմանագրի» ընտրական կարգախոսը լավ չեն ձևակերպել, պետք է հնչեր այլ կերպ՝ «Ապագա կար, կար» որովհետև ապագա կար, եթե իշխանությունները, Նիկոլ Փաշինյանը խելամիտ լինեին հասկանային ռազմական բալանսի և աշխարհաքաղաքական իրողությունների փոփոխությունները, թեկուզ ուշացումով ընդունեին 2019-ի հուլիսին Մինսկի խմբի պաշտոնապես առաջարկված խաղաղ կարգավորման պլանը, ըստ որի՝ հայկական կողմը պետք է վերադարձներ ընդամենը 5 շրջանը՝ թողնելով Լաչինի և Քելբաջարի վերադարձի հարցը և ԼՂ վերջնական կարգավիճակի ճշտումը, Շուշին և Հադրութը ներառյալ, ապագա սերունդներին: Խաղաղության պայմանագիրն ամրապնդում էր այդ 5 շրջաններում խաղաղարար զորքերի տեղաբաշխմամբ և այդ նույն շրջանների ապառազմականացմամբ, ինչը նշանակում էր, որ ադրբեջանական զորքերը 1 սմ առաջ չէին գա նախապատերազմական դիրքերից»,– ասաց նա:

Լևոն Զուրաբյանի խոսքով` Նիկոլ Փաշինյանը, խելագարի համառությամբ անտեսելով ադրբեջանաթուրքական ռազմական մեքենայի տեխնոլոգիայի առավելությունը, մերժել է արժանապատիվ խաղաղության այդ պլանը՝ Արցախը գլորելով դեպի կործանարար պարտության անդունդը։
«Ինչքան էլ Նիկոլ Փաշինյանը փորձի արդարանալ և փորձի իր կործանարար սխալների մեղքը բարդել Զինված ուժերի, դավաճանության և դավադրությունների վրա, միևնույն է, չի ստացվելու, իրականում դրանք չեն պատճառները, դրանք իրականում հետևանք են՝ կործանարար սխալների արդյունքում անխուսափելի պարտության հետևանք: Նվաստացուցիչ այս պարտության գլխավոր պատասխանատուն և մեղավորը, գլխավոր ճարտարապետը Նիկոլ Փաշինյանն է՝ հայկական էլչիբեյը»,– ասաց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արարատ Միրզոյանը հանդիպեց ԵԱՀԿ/ԺՀՄԻԳ դիտորդական առաքելության ղեկավարի հետ
Յոհան Մարֆին փաստեց, որ այս ընթացքում պետական բոլոր ինստիտուտներն ակտիվորեն համագործակցել եւ աջակցել են առաքելության…
ՀՀ ԱԳՆ մեկնաբանությունը Թուրքիայի և Ադրբեջանի նախագահների կողմից ստորագրված հռչակագրի առնչությամբ
Նույնքան դատապարտելի և սադրիչ են Շուշիում Թուրքիայի և Ադրբեջանի նախագահների կողմից ստորագրված հռչակագիրը և Թուրքիայի նախագահի կողմից Ադրբեջանի խորհրդարանում հնչեցված ելույթը…
Ներքաղաքական մթնոլորտում լարվածություն կա․ ՀՀ նախագահը՝ ԵԱՀԿ ԽՎ դիտորդական առաքելության պատվիրակությանը
Ատելության, թշնամանքի, բռնության ու սպառնալիքի կոչերն անթույլատրելի են...
Նախաքարոզչական շրջանում անհանդուրժողական կամ խտրական հռետորաբանությունն առանձնակի բարձր մակարդակի է եղել. ԵԱՀԿ ԺՀՄԻԳ
ԳՈԶեկույցի համաձայն, Օուեն Մերֆիի ղեկավարությամբ առաքելությունը կազմված է Երևանում տեղակայված 11 անդամներից…
Կա՛մ արձագանքել և հրապարակավ դատապարտել վարչապետի թեկնածու Նիկոլ Փաշինյանի վարքագիծը. Նաիրա Զոհրաբյանը` Մերֆիին
Այսօր Կոտայքի մարզի Աբովյան քաղաքում ընտրողների հետ հանդիպմանը Նիկոլ Փաշինյանը ներկայացել է մուրճով…
ԵԱՀԿ գործող նախագահը ողջունել է 15 հայ ռազմագերիների վերադարձը
Վստահության այդ միջոցառումները կարող են օգնել ստեղծել մթնոլորտ Մինսկի խմբի հովանու ներքո բանակցությունների համար...