Ռուսաստանի կառավարությունը Պետդումայի վավերացմանն է ներկայացրել ԱՊՀ անդամ պետությունների զինված ուժերի կապի համատեղ համակարգի մասին համաձայնագիր: Բացատրական գրության համաձայն, փաստաթուղթն ուղղված է ԱՊՀ երկրների զինված ուժերի վերահսկողության կայունության բարձրացմանը եւ նրանց միջեւ փոխգործակցության նպատակով հաղորդակցությունների կազմակերպման պահանջների բավարարմանը, հաղորդում է ՏԱՍՍ-ը:
Բացի այդ, համաձայնագիրն ուղղված է նորմատիվ-իրավական դաշտի ձեւավորմանը եւ կատարելագործմանը, ներառյալ՝ կայուն ֆինանսավորման մեխանիզմը եւ կապի համակարգի համաձայնեցված զարգացումը համատեղ առաջադրանքների լուծման գործում՝ հաշվի առնելով զորքերի առաջնահերթ հագեցումը կապի միջոցներով: Փաստաթուղթը նաեւ հնարավորություն կտա ապահովել համակարգերի, ազգային եւ օտարերկրյա արտադրության ռազմական կապի համալիրների շարունակականությունն ու համատեղելիությունը, ռազմական կապի ոլորտում գիտատեխնիկական նվաճումների իրականացումը:
Ռուսաստանի Դաշնության պաշտպանության նախարարությունում կստեղծվի «ԱՊՀ անդամ պետությունների պաշտպանության նախարարների խորհրդին առընթեր ԱՊՀ անդամ պետությունների զինված ուժերի կապի ղեկավարների համակարգող մարմին` կապի միասնական համակարգի կայուն գործունեության ապահովման համար»։ Հավանական է համարվում միասնական համակարգի հետ կապված ուժերի վերապատրաստումը: