ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը տեղյակ չի, թե վարչապետի ժամանակավոր պաշտոնակատար Նիկոլ Փաշինյանն ինչ փաստաթուղթ է մտադիր ստորագրել։ Այս մասին այսօր՝ մայիսի 20-ին, լրագրողների հետ զրույցում ասաց Անդրանիկ Քոչարյանը։

«Փաստաթղթի մասին տեղյակ չեմ, պետք է ծանոթանամ»,- ասաց նա։

Քոչարյանը նշեց, որ Պաշտպանության հանձնաժողովին չի տրվել այդ փաստաթուղթը։

«Բոլոր հնարավոր միջոցներով փորձելու եմ ծանոթանալ փաստաթղթին»,- ասաց Փաշինյանը։

Լրագրողի դիտարկմանը, որ Պաշտպանության հանձնաժողովի նախագահն էլ տեղյակ չի այդ փաստաթղթից, Քոչարյանն արձագանքեց. «Այս պահին տեղյակ չի, հաջորդ պահին տեղյակ չի լինի»։

Հարցին՝ արդյոք նիստի ժամանակ իմացա՞վ այդ փաստաթղթի մասին, Քոչարյանը պատասխանեց՝ այո. «Դա առաջարկ է, վարչապետը խոսել է, թե ինչ առաջարկ է արված»։

Լրագրողը հայտնեց, որ Կառավարության նիստին Փաշինյանը հայտարարել է՝ ստորագրվելու է այդ փաստաթուղթը, Անդրանիկ Քոչարյանն արձագանքեց. «Վարչապետն է ասե՞լ, պետք է ծանոթանամ նաեւ վարչապետի ասածներին»։

Հարցին, թե ինչո՞ւ է գաղտնի պահվում, թե ինչ է ստորագրվելու, Անդրանիկ Քոչարյանը պատասխանեց․

«Գաղտնիություն եթե կար, ապա վարչապետը չէր հնչեցնի այդ գաղտնիության մասին տեղեկատվությունը»։

Նա հավելեց, որ կարծում է՝ ԱԺ-ում այդ փաստաթղթի հետ կապված քննարկումներ կլինեն։

«Ըստ Սահմանադրության՝ Հայաստանի տարածքներին վերաբերող ցանկացած փաստաթուղթ պետք է ԱԺ-ում քննարկվի։ Իսկ Հայաստանի տարածքների հետ կապված որեւէ խնդիր չի կարող լինել»,- նշեց նա։