Սոչիում ինքնակամ կառույցի սեփականատերը, որը սպանել է դատական երկու կարգադրիչներին, խոստովանել է իր մեղքը, հայտնում է Կրասնոդարի երկրամասի Քննչական կոմիտեն։
Ավելի վաղ Կրասնոդարի երկրամասի ՆԳՆ ԳՎ-ն հայտարարել էր Սոչիի Ադլերի շրջանում կասկածյալի ձերբակալման մասին, որը, ստացված հաղորդագրության համաձայն, կրակ է բացել դատական կարգադրիչների վրա՝ բնակիչների վտարման ժամանակ: Իշխանությունների տվյալներով, այս հասցեում գտնվող շենքերը ինքնակամ կառույցներ են եւ դատարանի որոշմամբ քանդման ենթակա են: Երկու դատական կարգադրիչները ստացած վնասվածքներից տեղում մահացել են: Դեպքի վայր ժամանած ոստիկանության ջոկատը բերման է ենթարկել 60-ամյա տեղացի բնակչին եւ տեղափոխել հերթապահ մաս:
Առաջիկայում կասկածյալին մեղադրանք կառաջադրվի:
Մահացած դատական կարգադրիչները, ըստ նախնական տեղեկությունների, Ալբերտ Աղոզյանն ու Անդրանիկ Մաթեւոսյանն են: Նրանք 35 եւ 36 տարեկան էին: Հրաձիգը 61-ամյա Վարդան Քոչյանն է:
