News
Լրահոս
News
Շաբաթ
Հուլիս 31
Տեսնել լրահոսը


Ես կարծում եմ, որ ընտրություններից հետո եթե մեր առաջարկած օրակարգը կյանքի կոչվի, գերիների հարցը կարող է շատ արագ լուծվել: Այս մասին այսօր` Երեւանի Նոր Նորք վարչական շրջանում լրագրողների հետ զրույցում ասել է «Լուսավոր Հայաստան» կուսակցության վարչապետի թեկնածու Էդմոն Մարուքյանը:

«Դուք գիտեք՝ հիմա ինչ վիճակում ենք, նախարար չունենք, փոխնախարարները կարծես թե չեն ստանձնում նախարարի պաշտոնակատարի դերը։ Այս իմաստով շատ բարդ վիճակ է։ Ես կարծում եմ, որ ընտրություններից հետո եթե մեր առաջարկած օրակարգը կյանքի կոչվի, գերիների հարցը կարող է շատ արագ լուծվել։ Այսինքն ռազմագերիների խնդիրը կարող է շատ արագ լուծվել, եթե երկրի ներսում մենք մեր հարցերը լուծենք և արտաքին ճակատում ուժեղանանք։

Բացի այդ ոչ մի պարագայում գերիների հարցը մեր ներքաղաքական կյանքում պետք է չշահարկվի։ Երևի ամեն ինչ կարելի է շահարկել, բայց մարդուն գերությունից ազատելը չպետք է շահարկվի»,- ասել է նա։

Անդրադառնալով սահմանազատման խնդրին, նա ասել է, որ վաղ, թե ուշ պետք է իրագործվի դա։

«Սակայն չի կարելի սահմանազատման խնդիր քննարկել այս իրավիճակում, երբ ինքնաձիգը դրել են  քո գլխին և ասում են՝ արի՝ սահմանները գծենք իրար հետ։ Ի՞նչ է արել Ադրբեջանը, մտել է ՀՀ միջազգայնորեն ճանաչված սուվերեն տարածք  ու ասում է՝ դուրս չեմ գալիս, եթե դուք այս թուղթը չստորագրեք։ Այս թղթի ստորագրման արդյունքում էլ մենք պարտավորություն ենք ստանձնում հանձնաժողով ստեղծել, որով որ պարտավորվում ենք կատարել այդ հանձնաժողովի որոշումները։ Հանձնաժողովը ինչ է որոշելու՝ ոչ մեկ չգիտի։ Սահմանները, այո, պետք է գծվեն, բայց չի կարելի դա անել ռազմական ճանապարհով, դա քաղաքացիական գերատեսչությունների գործ է։ Այս իմաստով է, որ Ադրբեջանի արարքը չի ընկալվում միջազգային հանրության կողմից»,-ասաց նա։

Մարուքյանի կարծիքով` այնպես չէ, որ Հայաստանում բոլորն իրենց հույսը դրել էին ՀԱՊԿ-ի վրա, ուղղակի ՀԱՊԿ-ն այն կազմակերպությունն է, որի անդամն ենք, հետևաբար առաջինը դիմում ենք այդ կազմակերպությանը, և սկսվում է կամ չի սկսվում գործընթաց։

«Մեր արտաքին հարաբերությունները շատ խառնված են իրար․ ինչպես երկրի ներսում է քաոս առաջացել վերջին տարիների ընթացքում, այնպես էլ Հայաստանի արտաին հարաբերություններում է քաոտիկ վիճակ և այդ վիճակը պետք է կարգի բերել։ Մենք բազմաթիվ պայմանագրեր ունենք ստորագրած ՀԱՊԿ-ի հետ, Ռուսաստանի հետ։ Դրանք բոլորը պետք է քննարկել, տեսնենք՝ որն է գործում, որը չի գործում և ինչու։ Դրա մասին էլ քննարկում չկա։ Եվ այս իմաստով բնականաբար պետք է աշխատել նաև Արևմուտքի երկրների հետ։ Երկու օր առաջ ԱՄՆ պետքարտուղարի տեղակալի պաշտոնակատար պարոն Ռիքերն էր Հայաստանում։ Ես նրան եմ փոխանցել Ադրբեջանի ռազմաքաղաքական ղեկավարության նկատմամբ կիրառվելիք սանկցիաների մասին նամակ, այդ ցանկը, թե ում նկատմամբ է պետք սանկցիաներ կիրառել, ինչպես նաև ամբողջական հիմնավորումներ, թե ինչու պետք է Արևմուտքն այդ սանկցիաներ կիրառի։ Հույս ունեմ՝ դա նաև ԱՄՆ պետ․ դեպարտամենտում քննարկման առարկա կդառնա»,- հավելեց նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հայաստան» դաշինքը «Պատիվ ունեմի» հետ քննարկումներից հետո հանդես կգա ԱԺ փոխխոսնակի միասնական թեկնածուով․ Ի․ Սաղաթելյան
Մենք «Պատիվ ունեմ» դաշինքին համարում ենք մեր բնական դաշնակիցը․․․
Ինչո՞ւ ձեններդ չի լսվում․ ստեղ մանդատ վերցնելու խնդիր էր․ սկսում եմ ընդդիմությունից հիասթափվել. Գ.Պետրոսյան
Որոշ իրավաբաններ ինձ հակադրվում էին, ասում էին ԱԺ լուծարման հիմք չկա, այսինքն եթե ընդդիմություն չլինի, ԱԺ-ն մեխանիկորեն չի լուծարվում...
Ավարտվել է ընտրողներին կաշառք տալու և կաշառք ստանալու փաստով քննված ևս մեկ քրեական գործի նախաքննություն. ՀՔԾ
Մասնավորապես, «Պատիվ ունեմ» կուսակցությունների դաշինքի նախընտրական շտաբում աշխատող Գ. Նավոյանը 2021 թվականի հունիսի 18-ին բժշկական օգնություն...
Ընտրական հանցագործություններով հարուցվել է 78 քրգործ՝ 83 անձի նկատմամբ, 7 գործ ուղարկվել է դատարան. Դատախազություն
Մասնավորապես, քրեադատավարական կարգով նյութեր նախապատրաստելու նպատակով նախաքննության և հետաքննության մարմիններին ուղարկված…
Սյունիքի կալանավորված համայնքապետերին տեսակցելն արգելված է անգամ ԱԺ պատգամավորներին․ Ռոբերտ Հայրապետյան
Բաբաջանյան Արմանը Նաիրի Հունանյանին տեսակցել էր․․․
Այս ամենից հետո սենտիմենտալ դաշտ տեղափոխվելը ձեռառնոցի է.Սոս Հակոբյանը՝ Փաշինյանի շնորհավորանքին արձագանքելու մասին
Այդ մշակույթը ներմուծողն ու տարածողը այդ նույն մարդն է...
Ամենաշատ