Իսրայելի պաշտպանության բանակի շտաբի ղեկավարը հանդիպել է բարձր ռազմական պաշտոններ զբաղեցնող անձանց հետ եւ հրամայել նրանց պատրաստվել նոր ռազմական գործողություններին ՀԱՄԱՍ-ի հետ, քանի որ լարվածությունը դեռեւս բարձր է, թեպետ հակամարտությունը դադարել է անցած ամիս: Այդ մասին հաղորդում է Fox News-ը:
Իսրայելի պաշտպանության բանակը թվիթերյան էջում հայտարարել է ավիահարվածների երկրորդ գիշերի մասին՝ ի պատասխան օդապարիկներին, որոնք արձակվել էին Գազայից: Զինվորականները հայտարարել են, որ նրանք հարվածներ են հասցրել ՀԱՄԱՍ-ին պատկանող ռազմական միավորումների եւ հրթիռային փորձադաշտի ուղղությամբ:
Գեներալ-լեյտենանտ Ավիվ Կոխավին, որը պատրաստվում է այցելել Վաշինգտոն այս հանգստյան օրերին, ճեպազրույց է անցկացրել բարձր ռազմական ղեկավարության հետ եւ նախազգուշացրել նրանց մարտերին պատրաստվելու մասին: Զինվորականները հայտարարել են, որ կործանիչները հարվածել են ՀԱՄԱՍ-ի միավորումների ուղղությամբ հինգշաբթի ուշ երեկոյան: Իսրայելի պաշտպանության բանակը հայտարարել է, որ դրա ուժերը պատաստվում են բոլոր հնարավոր սցենարներին, ներառյալ՝ ռազմական գործողությունների վերսկսումը: