Տյումենի Խնայբանկի բաժանմունքում պատանդներ վերցրած տղամարդը կալանավորվել է։ Ոչ ոք չի տուժել, տեղեկացրել են բանկում, հաղորդում է ՏԱՍՍ-ը։
«Չարագործը կալանավորվել է, տուժածներ չկան։ Խնայբանկը շնորհակալություն է հայտնում իրավապահ մարմիններին հանցագործին բռնելու լավ աշխատանքի համար»,- ասվում է տարածված հաղորդագրությունում։
Տյումենի Խնայբանկում մարդկանց պատանդ վերցրած տղամարդու կալանավորման ժամանակ գտնվել է ինքնաշեն պայթուցիկ սարքի մուլյաժ։
«Չարագործի պահանջով բանկի աշխատակիցները նրան են հանձնել 15 մլն ռուբլի։ Բանկից դուրս գալիս նրան բռնել են Ռոսգվարդիայի արագ արձագանքման հատուկ ջոկատի աշխատակիցները։ Տղամարդու մոտ հայտնաբերվել է ինքնաշեն պայթուցիկ սարքի մուլյաժ»,- ասել է գործակալության զրուցակիցը։