Մեծ Բրիտանիայի բնակիչները խնդրել են ավտովարորդների համար նվազեցնել թույլատրելի արագությունը ամբողջ երկրում` քաղաքների անվտանգությունը բարելավելու համար: Կառավարությունը քննարկում է սահմանափակումների տարբերակը, որոնք արդեն գործում են Լոնդոնի ճանապարհների կեսի համար, գրում է Lenta-ն ՝ վկայակոչելով Daily Mail-ը:
20 մղոն/ժամ արագությամբ շեմի ներդրումը 2020 թվականին մայրուղիների 50 տոկոսի համար փորձնական նախագիծ էր Միացյալ Թագավորության մայրաքաղաքի համար: Այդ ժամանակվանից ի վեր, իշխանությունները բազմիցս փնտրել են ճանապարհային երթեւեկության արգելքները երկրով մեկ տարածելու տարբերակներ: 20's Plenty for Us կազմակերպության անցկացրած հարցման համաձայն՝ արագության սահմանափակման համատարած խստացմանն աջակցում է Մեծ Բրիտանիայի բնակիչների 70 տոկոսը: Ճանապարհներին լայնամասշտաբ բարեփոխումները կարող են սկսվել մինչ 2023 թվականը:
Տրանսպորտային հետազոտությունների բրիտանական լաբորատորիայի տնօրեն Ռիչարդ Կուերդենը շեշտում է, որ արագության ներկայիս սահմանափակումները, որոնք գործում են երկրի բնակավայրերի մեծ մասում՝ ժամում 30 մղոն (48 կմ/ժամ), ամբողջովին հնացած են: «Մինչեւ վերջերս խոսում էինք ճանապարհատրանսպորտային պատահարների մասին եւ գիտակցում, որ ճանապարհների վրա մահացության դեպքերն ու վնասվածքները սովորական բան են: Սա այլեւս ընդունելի չէ», - ավելացրել է Կուերդենը: Նախաձեռնության քննադատները նշում են, որ 20 մղոն/ժամ (32 կմ/ժամ) արագության նվազեցումը չի արդարացնի ճանապարհնային պատահարների նվազման սպասելիքները: Միեւնույն ժամանակ, այլ ակտիվիստներ շեշտում են, որ դանդաղ վարելը դրական ազդեցություն կունենա ոչ միայն փողոցների անվտանգության, այլեւ կլիմայի վրա, որն այժմ մեծ ճնշման տակ է մարդկային գործունեության պատճառով:
