News
Լրահոս
News
Ուրբաթ
Հոկտեմբեր 07
USD
404.56
EUR
396.27
RUB
6.59
Տեսնել լրահոսը

Ամերիկաբնակ հայազգի Հովիկ և Անի Սաֆոյանների հիմնադրած «SADA» ընկերությունը 3-րդ տարին անընդմեջ ճանաչվել է «Google Cloud»-ի տարվա լավագույն գործընկեր․ 2018 և 2019 թվականներին՝ Տարվա լավագույն գլոբալ վերավաճառող գործընկեր, 2020-ին՝ տարվա լավագույն գործընկեր Հյուսիսային Ամերիկայում։ Մրցանակաբաշխության մասին վիրտուալ հայտարարությունն արվել է հուլիսի 20-ին, «Google Cloud»-ի կողմից։

«SADA»-ն 2 ամիս առաջ հայտարարեց Հայաստանում բիզնեսի և տեխնոլոգիաների մատակարարման գլոբալ կենտրոն բացելու մասին, որն արդեն աշխատում է 14 հոգանոց թիմով: Միաժամանակ ընկերությունը հայտարարում է, որ այս տարի պատրաստ է ընդունել ևս 30 մասնագետի: «SADA»-ի հայաստանյան թիմը կարող են համալրել ամպային ենթակառուցվածքների, տվյալների բազայի ինժեներներ և ֆինանսիստներ:

«SADA»-ն «Google Cloud»-ի հետ աշխատում է 2007 թվականից։ Ընկերությունն այսօր առաջարկում է «Google»-ի ամպային ծառայությունների ամենալայն ցանկը, ներառյալ խորհրդատվություն ձեռնարկություններին, ամպային հարթակի միգրացիա, ամպային կառավարվող ծառայություններ և այլն: Անցյալ տարի «SADA»-ն «Google Cloud»-ի հետ հայտարարեց 500 միլիոն դոլար արժողությամբ բազմամյա պայմանագրի մասին, իսկ վերջերս, որ 2020 թվականին 130%-ի աճ է գրանցել նախորդ տարվա համեմատ։ 2021-ին «SADA»-ն ակնկալում է գրանցել իր պատմության լավագույն տարին։

«Մենք ուրախ ենք ճանաչել «SADA»-ն որպես Հյուսիսային Ամերիկայի տարվա մեր վերավաճառող գործընկեր՝ հիմնվելով անցած տարվա ընթացքում իրենց կատարած ակնառու աշխատանքի վրա՝ «Google Cloud»-ի պրոդուկտները հաճախորդներին մոտեցնելով և օգնելով զարգացնել նրանց բիզնեսը»,- նշել է «Google Cloud»-ի գլոբալ ալիքի ղեկավար Քերոլի Ջիրհարթը։

«Երեք տարի անընդմեջ «Google Cloud»-ի Տարվա գործընկեր կոչմանն արժանանալն անհավանական նվաճում է։ Հնարավոր չէ ավելի հպարտ լինել մեր աշխատակիցներով, որոնք ամեն օր քրտնաջան աշխատում են՝ օգնելու մեր հաճախորդներին ստանալ առավելագույնը՝ «Google Cloud»-ում իրենց ներդրման համար: Մենք հույս ունենք այս հաջողությունը հաջորդ տարի դարձնել չորրորդն անընդմեջ»,- նշել է «SADA»-ի գործադիր տնօրեն Թոնի Սաֆոյանը:

SADA-ի մասին

Որպես բիզնեսի և տեխնոլոգիական ծառայությունների համաշխարհային մատակարար, «SADA»-ն մարդկանց հնարավորություն է տալիս փոխակերպել իրենց աշխատանքը, իրենց կազմակերպությունները և աշխարհը: «SADA»-ի թիմերը օգնել են առողջապահության, մեդիայի, խաղերի, արտադրության, պետական և այլ հատվածների հաճախորդ-ձեռնարկություններին՝ լուծելու իրենց ամենաբարդ խնդիրները: «SADA»-ն բազմաթիվ պարգևների է արժանացել. 15 տարի շարունակ գլխավորել է Միացյալ Նահանգների ամենաարագ աճող մասնավոր ընկերությունների 5000-անոց ցուցակը, իսկ 2021 թվականին՝ Ամերիկայի լավագույն 50 աշխատատեղերի ցուցակը։

!
Այս նյութը հասանելի է նաև   English
Տպել
Կարդացեք նաև
Ամբողջը
ԱԶԲ-ն 2024–2028 թթ. համար Հայաստանի հետ նոր «երկրի գործընկերության ռազմավարություն» է պատրաստում
Ավելի քան 17 տարի է, ինչ սերտ գործընկերությամբ աշխատել ենք Հայաստանի հետ՝ տնտեսությունը դիվերսիֆիկացնելու և հայաստանցիների կյանքը բարելավելու…
Դոլարի ու եվրոյի անկումը շարունակվում է. նրանց է միացել ռուբլին
ԱՄՆ դոլարի փոխարժեքն այսօր՝ հոկտեմբերի 7-ին, կազմել…
Էկոնոմիկայի փոխնախարարը Լյուքսեմբուրգում քննարկել է երկկողմ առևտրատնտեսական կապերի ընդլայնման հեռանկարները
Կայացել է հանդիպում Լյուքսեմբուրգի էկոնոմիկայի նախարար Ֆրանցե Ֆայոյի հետ, քննարկվել են երկկողմ ...
ԱՆԻՖ-ը դարձել է Սուվերեն ֆոնդերի միջազգային ֆորումի (IFSWF) ասոցացված անդամ
Ասոցացված անդամակցությունը շնորհվում է մինչև երեք տարի ժամկետով՝ ստեղծման վաղ փուլում գտնվող սուվերեն ֆոնդերին...
Անշարժ գույքի գործակալության տնօրենը ներկայացրել է իրավիճակը Երեւանի բնակարանների վարձակալության շուկայում
«Երեւանի փոքր կենտրոնում 1 սենյականոց բնակարանի գները սկսվում են 300 000 դրամից...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ հոկտեմբերի 6-ին, կազմել է...
Ամենաշատ