Ակցիաներն ուղղված չէին որեւէ պետության դեմ: Ավելին, դրանք տեղի են ունեցել 10 տարի առաջ: Այս մասին օգոստոսի 3-ին Հայաստանի 8-րդ գումարման նորընտիր Ազգային ժողովի հատուկ նիստին ասաց իշխող «Քաղաքացիական պայմանագիր» կուսակցությունից ԱԺ փոխխոսնակի թեկնածու Հակոբ Արշակյանը՝ մեկնաբանելով իր մասնակցությունը հակառուսական ակցիային Ռուսաստանի դեսպանատան դիմաց:
Դաշինքի պատգամավոր Արեգնազ Մանուկյանը, օրինակ, հիշեցրեց Արշակյանին այդ դրվագի մասին՝ պարզաբանում խնդրելով վերջինիս հակառուսական հայտարարությունների վերաբերյալ, մասնավորապես՝ ի պաշտպանություն ռուս ընդդիմադիր առաջնորդ Ալեքսեյ Նավալնու: Դա, իհարկե, Հայաստանում իշխանափոխությունից առաջ էր:
Ի պատասխան՝ Արշակյանը հայտարարեց, որ դա իրավիճակային իրադարձություն է, եւ որ ինքը չի ցանկանում մեկնաբանել այս հարցը: «Ինչ վերաբերում է որեւէ երկրին «կողմ» կամ «դեմ» դիրքորոշմանը, ես ուզում եմ, որ դուք իմանաք, որ ես Հայաստանի քաղաքացի եմ եւ ելնում եմ դրա շահերից»,- պարզաբանեց Արշակյանը:
Ռուսաստանը, նրա խոսքով, Հայաստանի ռազմավարական դաշնակիցն է, երկու երկրների շահերը չեն հատվում, այլ գտնվում են զուգահեռ հարթություններում:
«Ես կանեմ ամեն ինչ՝ Ռուսաստանի Դաշնության հետ գործընկերությունը խորացնելու համար»,- ասաց Արշակյանը:
Պատգամավորը հիշեցրեց, որ երբ նա բարձր տեխնոլոգիական արդյունաբերության նախարար էր, միջպետական մակարդակով ակտիվորեն համագործակցում էր ռուս գործընկերների հետ: