News
Լրահոս
News
Երեքշաբթի
Հոկտեմբեր 04
USD
406.49
EUR
402.22
RUB
6.9
Տեսնել լրահոսը

ՀՀ ՔԿ Շիրակի մարզային քննչական վարչությունում քննված քրեական գործի նախաքննությամբ ձեռք բերված բավարար ապացույցների համակցությամբ հիմնավորվել է, որ Շիրակի մարզի Ձորաշեն համայնքի նախկին ղեկավար Գ.Ս.-ն, պաշտոնավարման ընթացքում նախապես տեղեկացված լինելով համայնքային սեփականություն հանդիսացող հողատարածքներում հեռահաղորդակցության երկու օպերատոր ընկերության կողմից ալեհավաք կայաններ տեղադրելու, շահագործելու մտադրության մասին, համայնքային սեփականության հողամասերի օգտագործման հաշվին իր ընտանիքի համար լրացուցիչ եկամուտներ ապահովելու շահադիտական դրդումներից ելնելով, անտեսելով սակարկություններին աճուրդավարի երեխաների, ծնողների, ամուսնու մասնակցությունը բացառելու օրենսդրական պահանջը, 2006թ. հուլիսի 17-ին և 2007թ. մայիսի 21-ին գլխավորել է աճուրդային հանձնաժողովները և կազմակերպել  ու անցկացրել է համայնքային սեփականություն հանդիսացող 2 տարբեր հողամաս վարձակալությամբ հանձնելու վերաբերյալ  ձևական աճուրդներ:

Դատախազությունից NEWS.am-ին հայտնում են, որ ապա հաստատել է մրցույթների արդյունքներն արտացոլող արձանագրությունները՝ դրանցում նախապես կեղծելով մրցութային հանձնաժողովների չորս անդամների ստորագրությունները, և երկու մրցույթում էլ հաղթող է ճանաչել իր կնոջը: Արդյունքում 2006թ. օգոստոսի 21-ին և 2007թ. մայիսի 29-ին վերջինիս հետ Գ.Ս.-ն կնքել է առաջինի պարագայում գյուղատնտեսական նշանակության 1 հա մակերեսով հողամասը տարեկան 4540 ՀՀ դրամ վարձավճարով, իսկ երկրորդի դեպքում՝ 1.58հա մակերեսով հողամասը տարեկան 7450 ՀՀ դրամ վարձավճարով 25 տարի ժամկետով, գյուղատնտեսական գործունեություն ծավալելու նպատակով վարձակալության հանձնելու մասին պայմանագրեր:

Այնուհետև, կարճ ժամանակ անց, կնոջ անվամբ հողամասերից մեկը 2006թ. օգոստոսին տարեկան 480.000 ՀՀ դրամ վարձավճարի դիմաց, իսկ մյուսը՝ 2007թ. հուլիսին ամսական 85.000 ՀՀ դրամ վարձավճարով վարձակալության է հանձնել հեռահաղորդակցության երկու տարբեր օպերատոր ընկերությունների, որոնց արդյունքում մինչև 2016թ. հոկտեմբերի 8-ն ընկած ժամանակահատվածում ընդհանուր ստացել է ավելի քան 14 մլն ՀՀ դրամ վարձավճարի տեսքով շահույթ՝ համայնքին զրկելով այդ չափով եկամուտ ստանալու հնարավորությունից:

Վերոնշյալ հանցավոր արարքները կատարելու համար Ձորաշեն համայնքի նախկին ղեկավար Գ.Ս.-ին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով և 314-րդ հոդվածի 1-ին մասով /2 դրվագ/:

Նախաքննության ընթացքում վերջինիս կողմից ներկայացվել են 3.100.000 ՀՀ դրամի չափով պատճառված վնասի վերականգման վճարման անդորրագրեր:

Քրեական գործի նախաքննությունն ավարտվել է, դրա օրիանականության նկատմամբ հսկողություն իրականացնող դատախազը հաստատել է մեղադրական եզրակացությունը և քրեական գործի հետ ուղարկել ՀՀ Շիրակի մարզի առաջին ատյանի ընդհանուր իրավասության դատարան՝ ըստ էության քննության առնելու համար։

Տպել
Կարդացեք նաև
Ամբողջը
Ողբերգական դեպք՝ Գյումրիի «Երեխաների տուն» ՊՈԱԿ-ում. այստեղ հայտնաբերվել է 2-ամյա տղայի դի
Դեպքի փաստով Շիրակի մարզային քննչական վարչությունում նախաձեռնվել է…
Ավստրալիայում դատարանը կքննի խորհրդարանում սեռական բռնության մասին հայցերը
Դատարանը քննելու է Ավստրալիայի ազգային խորհրդարանում ենթադրյալ սեռական ոտնձգության մասին հայցերը...
31-ամյա տղամարդը Ճամբարակում պատահաբար կանգնել է ականի վրա, ինչի հետեւանքով տեղի է ունեցել պայթյուն
Նախաձեռնվել է քրեական վարույթ․․․
Գողություններ արած տղամարդը ձերբակալվեց. Բոլոր դեպքերը գրանցվել էին նույն օրը, Դեմիրճյան փողոցում
Սեպտեմբերի 20-ին ոստիկանությունում գողությունների ու գողության փորձի վերաբերյալ ժամերի տարբերությամբ ստացվեցին ահազանգեր...
Երևանում պարեկները մոտ կես կիլոգրամ թմրամիջոց են հայտնաբերել
Սեպտեմբերի լույս 30-ի գիշերը՝ ժամը 4-ի սահմաններում, պարեկային ծառայության...
Էկվադորում բանտում սկսված խռովության ժամանակ զոհվել է 15 մարդ
Կոտոպախիի բանտում խռովության հետեւանքով զոհվել է 15, վիրավորվել 20 մարդ...
Ամենաշատ