Apple Inc-ն աշխատում է մեծ թվով չինացի մատակարարների հետ` նոր iPhone-ներ արտադրելու համար, հայտնում է Nikkei թերթը:

IPhone-ի արտադրողը նախազգուշացրել է մատակարարման պակասի մասին, քանի որ ԱՄՆ-ի եւ Չինաստանի միջեւ առեւտրային լարվածությունը եւ կորոնավիրուսային համավարակը մեծացրել են ճնշումը համաշխարհային մատակարարման շղթաների վրա:

Պեկինը նաեւ ուժեղացնում է աշխարհի առաջատար տեխնոլոգիական ձեռնարկություններ ստեղծելու ջանքերը, իսկ չինական ընկերությունները, ըստ երեւույթին, կառավարության աջակցությամբ աշխատում են խոշոր ընկերությունների, այդ թվում` Apple-ի համար արտադրելու ուղղությամբ:

Ըստ Nikkei-ի՝ չինական Luxshare Precision Industry Co Ltd-ն մտադիր է ստեղծել մինչեւ 3% iPhone-13, Lens Tech Co Ltd-ը կմատակարարի մետաղյա պատյաններ, իսկ Sunny Optical Tech Group Co Ltd-ն՝ հետեւի տեսախցիկի ոսպնակներ: BOE Tech Group Co Ltd-ն նույնպես բաղադրիչներ կմատակարարի:

«Ընկերությունն օգտագործում է հնարավոր բոլոր լծակները մատակարարումների համաշխարհային շղթայի (ներառյալ Չինաստանը) վաճառքների խափանումները նվազագույնի հասցնելու համար»,- ասել է D.A. Davidson & Co-ի վերլուծաբան Թոմ Ֆորտեն: