Ստեփանակերտում եւ հարակից բնակավայրերում հնչած պայթյունները տեղի են ունեցել Ասկերանի շրջանի Խնածախ համայնքի վարչական տարածքի դաշտային գոտում, որտեղ հումանիտար ականազերծման կենտրոնի սակրավորական խմբերը նախատեսել էին իրականացնել պլանային պայթեցման աշխատանքներ: Այս մասին պարզաբանում է տարածել Արցախի արտակարգ իրավիճակների պետական ծառայությունը։
«Սակայն, այդ տարածքում բռնկված հրդեհը քամու ուժգնությամբ տարածվել է եւ հասել այն վայրը, որտեղ նախապես պահեստավորված է եղել դեռեւս չպայթած ու կյանքի համար վտանգ ներկայացնող ռազմամթերքը:
Հորդորում ենք խուճապի չմատնվել:
Իրավիճակը գտնվում ՆԳ նախարարության ԱԻ պետական ծառայության վերհսկողության ներքո:
Այս պահին սակրավորների, հրշեջ փրկարարների եւ արագ արձագանքման հատուկ ստորաբաժանման օպերատիվ խմբերի կողմից իրականացվում է անհրաժեշտ բոլոր միջոցառումները կրակը մարելու եւ սպառնացող վտանգը արագ կանխելու ուղղությամբ»,– ասվում է հաղորդագրության մեջ։
