News
Լրահոս
News
Երկուշաբթի
Հոկտեմբեր 18
Տեսնել լրահոսը

ՀՀ ԿԳՄՍ նախարար Վահրամ Դումանյանն այսօր ընդունել է 44-օրյա պատերազմում զոհված ժամկետային զինծառայողներ Ալեն Մարգարյանի և Վահե Եղիկյանի մայրերին՝ Նազելի Տերտերյանին և Կարինե Մուրադյանին:

ԿԳՄՍՆ-ից NEWS.am-ին հայտնում են, որ շնորհակալություն հայտնելով հանդիպման համար՝ նրանք նշել են, որ հանդես են գալիս նաև մյուս մայրերի անունից ու բարձրացնում են հարցեր, որոնք հուզում են Արցախյան պատերազմում հերոսաբար զոհված բոլոր երիտասարդների ծնողներին ու ընտանիքների անդամներին:

Նախարար Վ. Դումանյանը լսել է անմահացած զինվորների մայրերի պատմությունները հերոս որդիների մասին, նրանց հորդորել ուժ գտնել տղաների գործը շարունակելու և նրանց դավանած արժեքները տարածելու համար՝ պատրաստակամություն հայտնելով աջակցել բոլոր հնարավոր ուղղություններով:

«Մենք հիանալի սերունդ կորցրեցինք, ու կատարվածը պետք է մեզ մղի մտորելու, սխալներն ուղղելու և առաջ նայելու: Կյանքը, անկասկած, շարունակվում է, և դա նշանակում է ամենօրյա քրտնաջան աշխատանք ու պայքար ավելի լավ երկիր ունենալու համար»,- ընդգծել է նախարար Դումանյանը:

Տիկին Նազելին՝ Արցախի հերոս Ալեն Մարգարյանի մայրը, պատմել է, որ մեկուկես ամսվա ծառայող տղան արդեն հասցրել էր աչքի ընկնել. նա անգլերեն է պարապել ծառայակիցների հետ, սփյուռքից եկած հայորդիներին օգնել է հայերենը կատարելագործելու հարցում: 5 օտար լեզուների տիրապետող 21-ամյա Ալենը սովորելու հրավեր ուներ Բոստոնի համալսարանից, բայց դա ու մյուս երազանքները ստորադասվել են հայրենիքին ծառայելու գիտակցական որոշմանը:

Մայրն այսօր որդու անունով կրթական հաստատություն հիմնելու նպատակ ունի, տղայի մահվան տարելիցի օրը՝ սեպտեմբերի 30-ին, միջոցառում է կազմակերպում հերոսի հիշատակին:  

Վահեի մայրը՝ տիկին Կարինեն, նույնպես պատմել է որդուց, որ անտեսելով ծնկի լուրջ վնասվածքը՝ վիրակապով կրկին նետվել է առաջնագիծ. դիրքի ավագ էր, պատասխանատու իր 6 զինվորների համար: Նա անձնազոհության աստիճանի ընկերասեր է եղել, վերջին շապիկը կողքինին զիջելու պատրաստ:

Տիկին Կարինեի հիմնած «Հավերժ» կազմակերպությունն արդեն ունի շուրջ 200 անդամ, ովքեր զոհվածների մայրեր, կանայք ու հարազատներ են: «Բոլորի կյանքի նպատակը մեր զավակների սխրանքը սերունդներին ներկայացնելն ու նրանց գաղափարներն ու գործը շարունակելն է»,- ասել է Կ. Մուրադյանը:

Վահրամ Դումանյանը պատմել է, որ պատերազմի օրերին նույն ապրումներն իր ընտանիքն էլ է ունեցել, քանի որ որդին նույնպես ժամկետային զինծառայող է եղել ու չնայած ունեցել է ուսումնառության հիմքով տարկետման հնարավորություն, բայց գերադասել է կատարել պարտքը հայրենիքի առաջ:

«Կյանքը շարունակվում է, բոլորս էլ պարտավոր ենք ապրել, պայքարել ու առաջ շարժվել, որ քարտեզի վրա Հայաստան պետությունը լինի, սերունդներին մեծացնենք մեր հերոսների գործը շարունակելու համար»,- նշել է ԿԳՄՍ նախարարը՝ կարծիք հայտնելով, որ պատերազմում անմահացած հերոսների հիշատակը հավերժացնելուն ուղղված քայլերը պետք է կատարվեն պետական բարձր մակարդակով ու համակարգված:

Տպել
Կարդացեք նաև
Ամբողջը
44–ՕՐՅԱ ՊԱՏԵՐԱԶՄ. ՊԱՇՏՈՆԱԿԱՆ ԵՎ ԻՐԱԿԱՆ ՔՐՈՆԻԿՈՆ. ՕՐ 21–ՐԴ՝ ՀՈԿՏԵՄԲԵՐԻ 17
44-օրյա պատերազմից ուղիղ մեկ տարի անց, NEWS.am-ը ներկայացնում է այդ օրերի քրոնիկոնը...
Հադրութի շրջանից հայտնաբերվել է 2 աճյուն․ Արցախի ԱԻՊԾ
Նրանց ինքնությունը կպարզվի դատաբժշկական փորձաքննությունից հետո…
Դաժան օրեր ենք ապրում, թուրքը հասել է ՀՀ սահմաններին. Սասուն Միքայելյան
Տղերքը հաղթել են, նրանք ընկան, չտեսան այս պարտությունը եւ ես միշտ ասել եմ` որտեղ, որ ընկել են տղաները, դա մեր համար սրբավայր…
Հմուտ հրետանավոր էր. սեպտեմբերի 29-ին Յուրին կամավորագրվել եւ Սիսիանի գնդի հետ մեկնել էր Արցախ (ֆոտո)
Սեպտեմբերի 27-ին, երբ սկսվեց պատերազմը, Յուրիի ռազմատենչ ու հայրենասեր ոգին…
«Զանգում էր, ասում՝ մի նեղվի, մտածի՝ սալյուտ են խփում»․ 19-ամյա Արամայիսը (Միշոն) զոհվել է դիպուկահարի կրակոցից
Արամայիսը սովորում էր Ռուսաստանի տնտեսագիտական համալսարանի երևանյան մասնաճյուղում…
Տանկիստ Դավիթն իր մի քանի ընկերների հետ զոհվեց դավաճանության, հանցագործության հետեւանքով. այսօր նրան հողին հանձնեցին
Իսկ դուք դավաճաններ, վախկոտներ մտածեք ձեր ապագայի ու դատաստանի մասին…
Ամենաշատ