News
Լրահոս
News
Երկուշաբթի
Հոկտեմբեր 18
Տեսնել լրահոսը

ՀՀ բարձր տեխնոլոգիական արդյունաբերության նախարար Վահագն Խաչատուրյանն այսօր ընդունել է Հայաստանի Հանրապետությունում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջոն Գալլագերին: Այս մասին NEWS.am-ին հայտնում են նախարարության լրատվական ծառայությունից:

Նախարարը ողջունել է դեսպանին և ներկայացրել նախարարության կողմից իրականացվող հիմնական ծրագրերի և գործառույթների շրջանակը, որոնք ընդգրկում են թվայնացման, էկոհամակարգի ստեղծման, կրթական ծրագրերի իրականացման հետ կապված մի շարք հարցեր: Խաչատուրյանը համոզմունք է հայտնել, որ Հայաստանում իրականացվող բարեփոխումների շրջանակում բարձր տեխնոլոգիական արդյունաբերության ոլորտում Մեծ Բրիտանիայի հետ համագործակցությունը խորացնելու մեծ ներուժ կա:

Գնահատելով Մեծ Բրիտանիայի նվաճումները բարձր տեխնոլոգիական արդյունաբերության ոլորտում՝ նախարարը կարևորել է փորձի փոխանակման և խորհրդատվական աջակցության տրամադրման հնարավորությունները, որոնք դրական ազդեցություն կունենան Հայաստանի համար: Արտադրական ձեռնարկությունների վերազինման, նոր տեխնոլոգիաների ներդրման հետ կապված նախարարը դեսպանին առաջարկել է դիտարկել համատեղ ձեռնարկությունների ստեղծման հնարավորությունը:

Շնորհավորելով նախարարին նշանակման առթիվ՝ դեսպանը նշել է, որ բարձր տեխնոլոգիական արդյունաբերության նախարարության դերը շատ կարևոր է երկրի զարգացման համար, նախարարությունը բավական հավակնոտ ծրագրեր է նախանշել, որոնց ներուժը առկա է երկրում:  Գիտական և տեխնոլոգիական ոլորտներում զարգացումներ արձանագրող այնպիսի երկրի հետ ինչպիսին Հայաստանն է, դեսպան Ջոն Գալլագերը բազմաթիվ փոխգործակցության հնարավորություններ է տեսնում: 

Ոլորտի զարգացման համատեքստում, նախարարը կարևորել է մասնավոր ընկերությունների դերը։ Նախարարությունը շարունակական աջակցություն է տրամադրում ոլորտային հաջողած մի շարք ընկերությունների թե՛ ֆինանսական, թե՛ արտադրության հզորացման, և թե՛ արտահանման առումներով։

Կողմերն անդրադարձել են նաև երկու երկրների փոխգործակցության հնարավորություններին, մասնավորապես կրթական, նորարական, ներդրումային, շուկայի զարգացմանը միտված ծրագրերին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հետազոտություն. Android-ով սմարթֆոնները մշտապես հետեւում են սեփականատերերին
Xiaomi-ի, Huawei-ի եւ Samsung-ի Android-ով սմարթֆոնները մշտապես հետեւում են իրենց տերերին․․․
Ներկայացվել է Linux-ի կառավարմամբ PinePhone Pro սմարթֆոնը՝ 399 դոլարով
Սմարթֆոնը ստացել է 6 դյույմանոց HD+ էկրան․․․
Microsoft Corp-ը Չինաստանում անջատում է LinkedIn-ը
LinkedIn-ը ԱՄՆ-ին պատկանող միակ խոշոր սոցիալական ցանցն է, որը գործում է մի երկրում, որի կառավարությունը պահանջում է, որպեսզի նման հարթակները համապատասխանեն խիստ կանոններին...
Apple-ը կասկածվում է Xiaomi-ի պաստառների կրկնօրինակման մեջ
Օգտատերերը ցայտուն նմանություններ են գտել...
Windows 11-ում կրիտիկական խնդիր է հայտնաբերվել
Windows 11-ի առաջին թարմացումը, հակառակ սպասումներին, միայն խորացրել է խնդիրը...
Իմ երազանքն է Հայաստանը դարձնել աշխարհում արհեստական բանականության լավագույն վայրերից մեկը. Արմեն Սարգսյան
Միջոցառմանը ողջույնի խոսքով են հանդես եկել նաև Իտալիայի արտաքին գործերի և միջազգային համագործակցության նախարար Լուիջի Դի Մայոն ու Ֆրանսիայի…
Ամենաշատ