News
Լրահոս
News
Հինգշաբթի
Հոկտեմբեր 28
Տեսնել լրահոսը

Գերմանացի հնագետների գիտական աշխատանքի արդյունքները ցույց են տվել, որ բրոնզի դարի մարդիկ անասուններին դարձնում էին ընտանի կենդանիներ կաթ ստանալու համար, որն օգտագործելը, մասնագետների կարծիքով, սկիզբ է դրել միգրացիային դեպի տարբեր մայրցամաքներ: Ինչպես պատմել է գիտական աշխատության հեղինակ Շեւան Ուիլքինը, նրա թիմը կարողացել է հետազոտել ավելի քան 56 մարդու ատամնաքարերը, որոնք ապրել են բրոնզի դարում: Դրանցից մի քանիսի վրա հայտնաբերվել են սպիտակուցների հետքեր, որոնք ծագում են տարբեր կենդանիների՝ կովերի, ոչխարների եւ ձիերի կաթից, հաղորդում է Planet Today-ը:

Ընդ որում՝ այդպիսի մասնիկները բացակայել են մարդկանց մոտ, որոնք ապրել են քարե դարում: Այդ փաստը հանգեցրել է գիտնականներին մտքին, որ առաջին մարդիկ սկսել են միգրացիան Պոնտիկ-կասպիական տափաստանում, որտեղ սկսվել է եղջերավոր անասուններին ընտանի կենդանիներ դարձնելու գործընթացը: Մինչդեռ ավելի վաղ համարվում էր, որ ժողովուրդների տեղաշարժը սկիզբ է առել հյուսիսային Ղազախստանում Բոթայ գյուղից, սակայն տեղացի մարդկանց մնացորդների ուսումնասիրությունը ցույց է տվել հակառակը. նրանց ոսկորներում համապատասխան պրոտեիններ չէին պարունակվում: Դեռեւս տարաձայնությունների առարկա է, թե ինչ առավելություններ էր տալիս հնաբնակներին կաթի օգտագործումը: Սակայն գիտնականների կարծիքով կա հավանականություն, որ հավելյալ սննդարար նյութերը հնարավորություն են տվել նախնիներին գոյատեւել տափաստանային տեղանքի դաժան պայմաններում:

!
Այս նյութը հասանելի է նաև   Русский
Տպել
Ամենաշատ