Ռուսաստանի փոխարտգործնախարար Անդրեյ Ռուդենկոն հայտարարել է, որ ԵԱՀԿ Մինսկի խմբի համանախագահները Նյու Յորքում ՄԱԿ-ի Գլխավոր ասամբլեայի շրջանակում ծրագրում են բանակցություններ վարել Հայաստանի եւ Ադրբեջանի արտգործնախարարների հետ, փոխանցում է ՏԱՍՍ-ը:
«Ներկայումս երեք համանախագահները ծրագրում են հանդիպել Նյու Յորքում՝ ՄԱԿ-ի Գլխավոր ասամբլեայի շրջանակում: Եթե դա տեղի ունենա, լավ նշան կլինի, որ երկու երկրների միջեւ հարաբերությունների կարգավորման գործընթացը գործնական տեսք է ստացել: Մենք շարունակում ենք դիտարկել Մինսկի խումբը որպես խաղաղ գործընթացն առաջ մղելու կարեւոր գործիք»,-ասել է նա։
