Հերթական սուտն է, ԱԺ նախագահը ոչինչ չի արել, որ պաշտոնյաներին հրավիրի ԱԺ` քննարկման: Այս մասին այսօր`սեպտեմբերի 24-ին, «Պատիվ ունեմ» խմբակցության պատգամավոր Աննա Մկրտչյանը ասաց լրագրողների հետ զրույցում ԱԺ-ում:
«10 օրից ավելի է, ինչ այստեղ ԱԺ-ում, ԱԺ աթոռին նստած անձնավորությունը հավաստիացնում էր, որ ընդդիմությունը խնդրել է, անպայմանորեն մենք հրավիրելու ենք, մենք խնդիր չունենք, բաց ենք հեսա կզանգեմ ԱԱԾ պետին, արտգործնախարաին եւ այլն, հերթական սուտն է, որովհետեւ այս անձնավորությունը, վստահ եմ, որ ոչինչ չի արել: Նույնիսկ ԳՇ պետի մակարդակով ընդդիմության հարցերին պատասխան չտրվեց» :
Պատգամավորը նշեց, որ այս իշխանությունները գալիս էին այլ խոստումներով, սակայն հիմա իրենք «ախրանիկապետությունը» հարյուրապատկել են, «պադավատապետությունը ավելի թանկարժեք մեքենաներով են փոխարինել. «Բոլոր պետական տնեդերները նույնիսկ սահմանված մրցույթի կարգը չեն պահպանում եւ միանձնյա խոշոր գնումներով կարողանումեն ապահովել իրենց այն, ինչ պետք է: Այստեղ իրենց բարեկամ պաշտոնյաները միլիոնավորներով աշխատավարձ են ստանում, իրենք էլ այդ գումարներն են ստանում»
Անդրադառնալով Գորիս-Կապան ճանապարհի շուրջ ստեղծված իրավիճակին եւ անվտանգային հարցերին, Աննա Մկրտչյանը ասաց, որ այս իշխանությունները միայն մեկ պատասխան են տալիս, թե «այս իշխանությունը ի՞նչ անի», եւ երկրի ղեկավարը «ուղղակի մի օր թուրքի կոշիկներն է լիզում, մյուս օրը՝ ադրբեջանցու»:
«Եթե դուք պաշտպանության եւ անվտանգային հարցերի հանձնաժողովի նսիտերը նայեք, կտեսնեք, որ էնտեղ ոչինչ չի քննարկվում, բացի նրչանից, որ ՔՊ-ական հատվածը փորձում է ապացուցել, որ գիտեք ինչ` Նիկոլ Փաշինյանը դավադիր չի, պատերազմը լավ է վարել, մեր գերագույն գլխավոր հրամանատարն է: Տպավորություն է, որ եթե ընդդիմության 4-5 անդամը ասի, որ Նիկոլ Փաշինյանը մեր գերագույն հրամանատարն է, մի րոպեում մեզ կտային էդ փոխնախագահի պաշտոնը, որը մեզ օրենքով է հասնում»,-ասաց նա: