Սեպտեմբերի 28-ին Փհենյանում առանց երկրի առաջնորդ Կիմ Չեն Ընի մասնակցության բացվել է ԿԺԴՀ-ի 14-րդ գումարման Գերագույն ժողովրդական ասամբլեայի (ԳԺԱ, միապալատ խորհրդարան) հինգերորդ նստաշրջանը: Այս մասին հայտնում է Կենտրոնական տեղեկատվական կենտրոնը:
Գործակալության տվյալներով՝ առաջին նիստին մասնակցել են ԳԺԱ նախագահության նախագահ Ցոյ Ռյոն Հեն եւ նախարարների կաբինետի ղեկավար Կիմ Դոկ Հունը: Նիստի բացմանը երկրի առաջնորդ Կիմ Չեն Ընը ներկա չէր:
Հրապարակման մեջ նշվում է, որ պատգամավորներն ընդունել են նստաշրջանի օրակարգը, ինչպես նաեւ քննարկել են ներքին քաղաքականության հարցեր: Նրանք սկսել են ուսումնասիրել քաղաքների եւ շրջանների զարգացման մասին օրինագծերը, երիտասարդներին կրթություն տրամադրել, ինչպես նաեւ սկսել են դիտարկել փոփոխություններն եւ լրացումներն ազգային տնտեսության զարգացման ծրագրի մասին օրենքում:
Դիտարկվել են նաեւ ազգային տնտեսության բոլոր ոլորտներում թույլ տրված սխալները: Երկրորդային հումքի մասին օրենքի՝ ուժի մեջ մտնելու մասին որոշումն ընդունվել է միաձայն, ասվում է ԳԺԱ-ի հայտարարության մեջ:
