Ադրբեջանում սկսել է գործել հրամանատարական կառավարման նոր կենտրոնը, որի նպատակն է ապահովել Ցամաքային զորքերի հրամանատարությանն անմիջականորեն ենթակա ուժերի եւ միջոցների կայուն կառավարումը, փոխգործակցությունը զինված ուժերի այլ ճյուղերի հետ, վերլուծությունը եւ շտաբից եւ զորքերից ստացվող տվյալների մասին իրազեկումը բարձրագույն հրամանատարությանը: Այս մասին հայտնում են ադրբեջանական լրատվամիջոցները` վկայակոչելով ՊՆ-ն:
Կենտրոնում, որը գործում է պաշտպանության վարչության կենտրոնական հրամանատարական կետի հետ համատեղ, ճեպազրույց ներկայացվեց ցամաքային զորքերի հրամանատարությանը ենթակա զորամասերում, ինչպես նաեւ սահմանամերձ տարածքներում օրվա ընթացքում տեղի ունեցած իրադարձությունների վերաբերյալ: Լսվեցին նաեւ հրամանատարների զեկույցները:
Յուրաքանչյուր ուղղությամբ օպերատիվ իրավիճակը վերահսկվում է օպտիկական-էլեկտրոնային դիտարկման միջոցների միջոցով, ուժերի եւ զորքերի տեսակների միջոցների հետ փոխազդեցությունն իրականացվում է անընդհատ:
