BepiColombo տիեզերական զոնդը փոխանցել է Մերկուրիի մակերեւույթի առաջին պատկերը, հայտնում է «ՌԻԱ Նովոստին»՝ հղում անելով Եվրոպական տիեզերական գործակալությանը (ESA):
«Եվրոպա-ճապոնական համատեղ BepiColombo առաքելությունը Մերկուրիի այս պատկերն արել է 2021 թվականի հոկտեմբերի 1-ին, երբ տիեզերանավը թռել է մոլորակի կողքով»,- ասվում է մամուլի հաղորդագրության մեջ:
Ըստ հայտարարության, լուսանկարն արվել է UTC-ի ժամանակով 23:44-ին, երբ զոնդը գտնվել է Մերկուրիից 2418 կիլոմետր հեռավորությամբ: Դրանից տասը րոպե առաջ սարքը կարողացել է մոտենալ մոլորակին մոտ 199 կիլոմետր հեռավորությամբ:
1024x1024 պիքսելանոց սեւ-սպիտակ լուսանկարում պատկերված է Մերկուրիի հյուսիսային կիսագնդի մի մասը, որտեղ գտնվում են Կալվինո եւ Լերմոնտով խառնարանները, Սիխտու հարթավայրը: Գործակալությունը ակնկալում է, որ ավելի մանրամասն տղեկություններն ու այլ պատկերները շաբաթ օրը կստանա:
Ավելի վաղ BepiColombo-ն թռիչք էր կատարել Վեներայի մոտ` Մերկուրիի ուղեծիր մտնելու համար անհրաժեշտ արագացումը ստանալու համար:
