Արեւային համակարգում հայտնաբերվել է հսկայական երկնաքար եւ նոր հետազոտությունների շնորհիվ պարզվել է դրա մեծությունը: Աստղագետները բացահայտել են, որ դրա չափը շուրջ 150 կմ է, իսկ դա նշանակում է, որ խոսքը վերաբերում է երբեւէ հայտնաբերված ամենամեծ երկնաքարին, գրում է 3dnews.ru-ը՝ հղում անելով New Atlas-ին:
Երկնաքարի պաշտոնական անվանումն է «C/2014 UN271 Բերնարդինելի-Բերնշթեյն»: Այն հայտնաբերվել է 2014 թվականին մութ էներգիայի ուսումնասիրման նախագծի շուրջ աշխատանքի ժամանակ, Սակայն այն բացահայտած աստղագետներ Պեդրո Բերնարդինելին եւ Գարի Մերնշթեյնը չեն կարողացել ուսումնասիրել այն նախքան 2021 թվականի հունիսը: Բացման պահին պարզ էր դարձել, որ այն բավականին մեծ է:
Հետագա ուսումնասիրությունների ընթացքում հնարավոր է դարձել պարզել օբյեկտի հստակ չափը: Վերլուծության արդյունքների համաձայն՝ երկնաքարի միջուկն ունի շուրջ 150 կմ տրամագիծ՝ ելնելով դրա վառ մակերեւույթից: Եթե դա իսկապես այդպես է, ապա այն երբեւէ հայտնաբերված իր «գործընկերներից» ամենախոշորն է:
Աստղագետներն նաեւ կարողացել են պարզել երկնաքարի ուղեծիրը: Այժմ այն գտնվում է անհավանական երկարատեւ ճանապարհորդության մեջ: Շուրջ 1,5 միլիոն տարի առաջ այն գտնվել է ամենահեռու կետում: Վերջին անգամ օբյեկտը գտնվել է մեր շրջակայքում շուրջ 3,5 միլիոն տարի առաջ: Հայտնի է, որ ընթացիկ այցի ընթացքում երկնաքարը բավականին կմոտենա Արեւին:
Նոր տվյալներով՝ երկնաքարի մակերեւույթին չեզոքանում են ածխաթթու գազն ու ամոնիակը: Գիտնականները հայտնել են, որ սեպտեմբերի 9-ին երկնաքարը բավականին բաց երանգավորում է ստացել մի քանի ժամում: Դեռւես բարդ է կանխատեսումներ անել, սակայն կա հավանականություն, որ օբյեկտը կդառնա շատ ավելի վառ, սակայն փոքր-ինչ ավելի խամրած, քան Սատուրնի արբանյակ Տիտանը: Սակայն ի սկզբանե ենթադրվում էր, որ այն կլինի Պլուտոնից ավելի վառ, սակայն ջրային սառույցի կեղեւի ձեւավորվամ դեպքում երկնաքարը դարձյալ կարող է խամրել:
