Իշխանությունը չպետք է փչացնի Իրանի հետ հարաբերությունները։ Այս մասին ԱԺ նիստում խորհրդարանական ժամի ընթացքում ասաց «Հայաստան» խմբակցությունից պատգամավոր Արմեն Ռուստամյանը։
Նրա խոսքով՝ Թուրքիան կոնֆլիկտ է հրահրում տարածաշրջանի հարեւան բոլոր տարածաշրջաններում, իսկ հիմա ձգտում է ամրապնդել իր դիրքերը Իրանի հյուսիսում եւ Կասպիական տարածաշրջանում
«Փորձագետները նշում են, որ Անկարան ձգտում է Իրանում միջէթնիկական բախումներ հրահրել՝ իրար դեմ հանելով իրանալեզու եւ թյուրքալեզու բնակչությանը։ Այդ կապակցությամբ ծայրաստիճան կարեւոր են Իրանի ղեկավարության հայտարարությունները եւ նրա գործողությունները երկրի հյուսիս-արեւմուտքում»,-նշեց պատգամավորը։
Նա ողջունեց Իրանի քաղաքական կամքը՝ զսպելու տարածաշրջանում քաղաքական ուժերի հնարավոր վերադասավորումը։ «Այնուամենայնիվ, մենք զգուշացնում ենք իշխանություններին։ԴՈւք պետք է հարաբերություններ կառուցեք դաշնակիցների հետ քաղաքական առեւտրի սկզբունքով»,-հայտարարեց Ռուստամյանը։
