Եվրամիությունը պետք է արագացնի կլիմայական բարեփոխումները, որպեսզի ավելի անկախ դառնա էներգետիկ ոլորտում, հինգշաբթի ասել է Եվրահանձնաժողովի ղեկավար Ուրսուլա ֆոն դեր Լյաենը գիտաժողովում, տեղեկացնում է ՌԻԱ «Նովոստի»-ն։
«Մենք պետք է արագացնենք մեր «Կանաչ գործարքը», որպեսզի ավելի անկախ դառնանք էներգետիկ ոլորտում»,- ասել է նա։
Այսպես կոչված «Կանաչ գործարքը» Եվրամիությունն այնպես վերակառուցելու Եվրահանձնաժողովի նախագիծն է, որպեսզի այն ավելի քիչ բացասական ազդեցություն գործի շրջակա միջավայրի վրա։
ԵՄ իշխանությունները ավելի վաղ պայմանավորվել էին այն մասին, որ դարի կեսին տարածաշրջանը պետք է դառնա կլիմայական առումով չեզոք, երբ մթնոլորտ ջերմոցային գազերի արտանետումների միագումար ծավալը պետք է դառնա զրոյական։ Կլիմայական չեզոքությունը կարող է հասանելի լինել ի հաշիվ արտանետումների կրճատման եւ վնասակար գազերի որսման ու պահման տեխնոլոգիաների կիրառման։
Կլիմայական չեզոքության անցումը կպահանջի վերակառուցել էներգիայի արտադրությունը եւ սպառումը, լրջորեն կրճատել ջերմոցային գազերի արտանետումները տնտեսության տարբեր ճյուղերի կողմից, նվազեցնել վառելիքի հանածո տեսակների օգտագործումը եւ ավելացնել վերականգնվող էներգիայի սպառման աճը, ինչպես նաեւ տրիլիոնավոր եվրոների ներդրումներ կատարել։
