News
Լրահոս
News
Չորեքշաբթի
Ապրիլ 24
Տեսնել լրահոսը

ԵԱՏՄ-ում պահպանվում են տարաձայնությունները գազի ընդհանուր շուկայի ձեւավորման շուրջ, ինչի կապակցությամբ պետությունների ղեկավարները որոշեցին այդ հարցը քննարկել ավելի ուշ դեմ առ դեմ ձեւաչափով: Այս մասին Եվրասիական տնտեսական բարձրագույն խորհրդի տեսաֆորմատավորված նիստից հետո լրագրողներին ասել է Բելառուսի փոխվարչապետ Իգոր Պետրիշենկոն, փոխանցում է «Բելտա»-ն:

«Բաց ձեւաչափով եւս գազի, նավթի եւ նավթամթերքի, էլեկտրաէներգիայի, երկաթուղային փոխադրումների ընդհանուր շուկաների թեման միշտ օրակարգում է: Այն շոշափվել է ինչպես բաց, այնպես էլ փակ ձեւաչափով: Պետությունների ղեկավարների հանձնարարությամբ, որն ընդունվել է մայիսին, մենք պետք է լսեինք տեղեկատվությունն այն մասին, թե ինչ է արվել գազի ընդհանուր շուկայի վերաբերյալ մեծ համաձայնագրի շրջանակներում: Զեկուցվել է երկու հիմնարար տարաձայնությունների մասին, որոնք, ցավոք, այս փուլում դեռ կան,- պատմել է փոխվարչապետը:- Այդ տարաձայնությունները նոր չեն: Դրանք եղել են դեռ 2018-ին, երբ մենք ստորագրեցինք հայեցակարգային փաստաթղթերը, այս թեման հանվեց փակագծերից: Խոսքը ԵԱՏՄ երկրների տարածքով գազի փոխադրման սակագնի սահմանման մասին է»:

Իգոր Պետրիշենկոն պարզաբանել է. այն երկրները, որոնք չունեն այդ ռեսուրսները, շահագրգռված են գազի փոխադրման հավասար սակագնային պայմաններով: «Այնպես չէ, որ ազգային սուբյեկտների համար մի պայմաններ են, իսկ երկրի տարածքից դուրս գտնվող սուբյեկտների համար, որոնք տիրապետում են այդ ռեսուրսներին, դրանք տարբեր են»,- ասել է նա:

Ուստի քննարկման, վերջին նիստին կարծիքների կարճ փոխանակման ընթացքում Բելառուսի նախագահ Ալեքսանդր Լուկաշենկոն առաջարկել է, որ այս հնացած հարցը պետք է անձամբ քննարկվի եւ վերջնականապես որոշվի: «Կամ մենք անում ենք այս փուլում, կամ գործում ենք այլ ուղղություններով: Այս առաջարկին աջակցել է Եվրասիական տնտեսական բարձրագույն խորհրդի նախագահ, Ղազախստանի նախագահ Քասիմ-Ժոմարտ Տոկաեւը: Եվ բոլոր պետությունների ղեկավարները համաձայնեցին, որ այս թեման հետագայում հավելյալ կքննարկվի այս ձեւաչափով»,- պատմել է փոխվարչապետը:

Վերոնշյալ համաձայնագրի համատեքստում շոշափվեց նաեւ Եվրասիական տնտեսական միության անդամ չհանդիսացող երկրներից գազի փոխադրման սակագների սահմանման հարցը: «Սա մեծ մասամբ Ղրղզստանի նախաձեռնությունն է: Մենք եւս դեմ չէինք այս նախաձեռնությանը: Եվ այժմ մենք դրան աջակցում ենք, եթե այլ երկրներ գան կոնսենսուսի՝  որպեսզի այս կարգավորումն արտացոլվի համաձայնագրում»,- ասել է Իգոր Պետրիշենկոն:

Հարցը, թե կոնկրետ երբ պետությունների ղեկավարները կկարողանան դեմ առ դեմ հանդիպել եւ քննարկել այս հարցը, դեռ բաց է:

Գազի հարցի քննարկման ժամանակ Ալեքսանդր Լուկաշենկոն շեշտեց, որ եթե երկրները ցանկանում են հասնել այն սկզբնական նպատակներին, որոնք դրվել էին միությունը ստեղծելիս, ապա այս հարցը պետք է լուծվի: Ընդ որում, փոխզիջումային լուծում կարելի է գտնել միայն անձամբ հանդիպելիս:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Brent-ը թանկացել է մինչև 88,48 դոլար մեկ բարելի դիմաց
Brent-ի հունիսյան ֆյուչերսները Լոնդոնի ICE Futures բորսայում թանկացել են 0,06 դոլարով
Գազամատակարարման պլանային դադարեցումներ Երևանում, Վանաձորում, Գյումրիում, Սպիտակում, Իջևանում, Օձունում և Արզականում
Նոր կառուցված գազասպառման համակարգը գործող ցանցին ներմիացման աշխատանքներ իրականացնելու նպատակով ապրիլի 26-ին ժամը 10:00-ից մինչև...
Brent նավթը թանկացել է մինչև 87,5 դոլար մեկ բարելի դիմաց
WTI տեսակի նավթի հունիսյան ֆյուչերսները․․․
ԵՄ դեսպան Վասիլիս Մարագոսն այցելել է Հայկական ԱԷԿ
Խոսվել է նաև ՀԱԷԿ-ի հետագա պլանների և ծրագրերի մասին՝ բարձր գնահատելով մինչ օրս ԵՄ կողմից ՀԱԷԿ-ին տրամադրված աջակցությունը, և կարևորվեց այդ...
Գնել Սանոսյանը Լիտվայի էներգետիկայի նախարարի հետ քննարկել է էներգետիկ ոլորտում հնարավոր համագործակցության հարցեր
Պայմանավորվածություն է ձեռք բերվել առաջիկայում մասնագիտական...
Շվեդիան հայտարարել է ռուսական ՀԲԳ-ի մատակարարումների էմբարգոյի և նավթի լցանավերի դեմ պատժամիջոցների մասին
Մենք անպայման կներառենք հեղուկ բնական գազի ներմուծման արգելքը․․․
Ամենաշատ