Լիբերիայից դեռահասը դարձել է ազգային հերոս 50 000 դոլար գտնելուց ու օրինական տիրոջը վերադանձնելուց հետո: Հաջորդ օրը նա հանդիպել է երկրի նախագահի հետ:
Էմանուել Տուլոն հայտնել է Associated Press-ին, որ երկուշաբթի հրավիրվել է նախագահ Ջորջ Վեայի հետ հանդիպման:
«Ես պատրաստվում եմ գնալ նախագահի մոտ, եւ երբ հանդիպեմ նրան, կպատմեմ իմ կրթության մասին»,-ասել է 18-ամյա երիտասարդ տղամարդը: «Ես կասեմ նրան, որ ցանկանում եմ դպրոց վերադառնալ»:
Նրա խոսքով՝ նա դադարել էր դպրոց հաճախել յոթերորդ դասարանում գումար վաստակելու ու իր ընթանիքին օգնելու համար:
