News
Լրահոս
News
Շաբաթ
Դեկտեմբեր 04
Տեսնել լրահոսը

Ակնհայտ է, որ Մարդու իրավունքների պաշտպանի գրասենյակը ենթարկվում է համատարած հարձակումների, քանի որ այդ մարմինը հանրությանն է ներկայացնում շփման գծում տեղի ունեցողի իրական պատկերը, ինչի մասին խոսում են նաեւ տարբեր քաղաքական գործիչներ։ Այս մասին հոկտեմբերի 22-ին լրագրողների հետ հանդիպմանն ասաց «Պատիվ ունեմ» խմբակցության պատգամավոր Տիգրան Աբրահամյանը։

Մարդու իրավունքների պաշտպանի դեմ հարձակումները պատգամավորն անընդունելի համարեց, մանավանդ որ դա այն սակավաթիվ ինստիտուտներից է, որը թե՛ մինչեւ պատերազմը, թե՛ դրա ժամանակ եւ դրանից հետո աշխատանքի հսկայական ծավալ է իրականացրել։

Նա տեղեկացրեց, որ այցելությունը շփման գիծ փաստացի արգելված է։

«Այս փաստը ես կարող եմ հաստատել իմ օրինակով, քանի որ Հայաստանի պաշտպանության նախարարությունում իմ (որպես պաշտպանության եւ անվտանգության հարցերի խորհրդարանական հանձնաժողովի անդամի) այցելությունը շփման գիծ համարում են  աննպատակահարմար։ Այս ամենը վկայում է այն մասին, որ իշխանությունները ոչ միայն թույլ են տվել ադրբեջանցի զինծառայողներին մայիսի 12-ին օկուպացնել Հայաստանի տարածքները, այլեւ փորձում են քողարկել ընթացող գործընթացները։ Հայաստանի Անվտանգության խորհրդի քարտուղար Արմեն Գրիգորյանը խոսում է ոչ թե նրանց մասին, ում պատճառով թույլ է տրվել Հայաստանի տարածքի օկուպացիան, այլ օմբուդսմենի պաշտոնում Արման Թաթոյանի լիազորությունների ժամկետի ավարտի։ Այսինքն՝ այս մարդկանց միակ նպատակը իրավիճակը քողարկելն է, որն ստեղծվել է իրենց գործունեության հետեւանքով։ Չնայած Մարդու իրավունքների պաշտպանի դեմ համատարած հարձակումներին՝ գրասենյակի գործունեությունը չի տուժի, այն կշարունակվի»,- ավելացրեց Աբրահամյանը։

Նա հիշեցրեց, որ ցանկացած երկրի հաջող արտաքին քաղաքականության գլխավոր երաշխավորը մարտունակ բանակն է։

«Ուստի գլխավոր խնդիրը պետք է լինի բանակի վերականգնումը եւ արդիականացումը։ Բայց լուրջ աշխատանքի փոխարեն մենք տեսնում ենք իշխանության անլուրջ վերաբերմունքը տեղի ունեցող իրադարձությունների հանդեպ։ Նրանք զբաղված են միայն այն գործիչների վրա ճնշում գործադրելով, ովքեր խոսում են խնդիրների մասին»,- եզրափակեց պատգամավորը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայի հետախուզությունը մասնակցել է 2020 թվականին Արցախի դեմ պատերազմին. Թուրքիայի փոխնախագահ
Ֆուաթ Օքթայը պաշտոնապես խոստովանել է...
Արցախի Ճարտար քաղաքի գերեվարված բնակիչը սպանվել է. ԱՀ ՄԻՊ
Դեռեւս մարմինը հակառակորդը չի փոխանցվել…
ՌԴ ԱԳՆ-ն արձագանքել է «Լավրովի պլանի» մասին ՀՀ ԱԺ նախագահի հայտարարությանը
Հավելել են, որ չի կարելի խոսել «հանձնման» մասին․․․
«Ադրբեջանը բացահայտորեն անտեսում է միջազգային իրավունքի սկզբունքները». ԱԳ փոխնախարարը ԵՄ-ին կոչ է արել հասցեական լինել
Պարույր Հովհաննիսյանն անդրադարձել է Հայաստանի Հանրապետության և Եվրոպական միության և ԵՄ անդամ երկրների միջև գործընկերային…
Կիպրոսի Ներկայացուցիչների Պալատը միաձայն բանաձեւ է ընդունել Ադրբեջանի ագրեսիայի եւ Արցախում իրավիճակի մասին
Բանաձեւը դատապարտում է Ադրբեջանի ագրեսիան Հայաստանի և Արցախի դեմ` պահանջում է ի կատար ածել 2020 թ-ի նոյեմբերի 9-ի զինադադարի հայտարարության...
Գերեվարված արցախցին անասնապահ է, մեկուկես ամիս առաջ ադրբեջանցիները առեւանգել էին նրա կովերին
Մոտ 20 կով մնացել էր ադրբեջանցիների մոտ․․․
Ամենաշատ