Գիտնականները վերջին մի քանի տարվա ընթացքում ամենահզոր մագնիսական փոթորիկներից մեկն են գրանցել։ Այն սկսվել է նոյեմբերի 4-ի գիշերը, Երկրի մագնիսական դաշտի անկայունությունը կշարունակվի մոտ երկու-երեք օր, հինգշաբթի տեղեկացրել է ՌԳԱ Ֆիզիկայի ինստիտուտի Արեւի ռենտգենյան աստղագիտության լաբորատորիայի կայքը։
«Երկրի վրա գիշերվա ժամը 1-ին (Մոսկվայի ժամանակով) անսպասելի սկսվել է վերջին տարիների ամենախոշոր մագնիսական փոթորիկներից մեկը։ Երկրամագնիսական ակտիվության ինդեքսը, որը վերջին օրերին դանդաղ իջնում էր մինչեւ հանգիստ մեծություններ (հոկտեմբերի վերջի բռնկումներից հետո), կեսգիշերից համարյա թե անմիջապես հետո թռիչքաձեւ բարձրացել է մինչեւ յոթի մակարդակ (առավելագույն՝ ինը մեծության պարագայում), ինչը համապատասխանում է հինգ բալանոց սանդղակի երրորդ մակարդակի մագնիսական փոթորկին»,- ասվում է հաղորդագրությունում։
Նշվում է, որ Երկրի մագնիսական դաշտի անկայունությունը կպահպանվի մոտ երկու-երեք օր, բայց ընթացիկ առավելագույնների հասնելու հավանականությունը մեծ չէ։
«Ընթացիկ մագնիսական փոթորիկը պետք է ավարտվի ոչ ուշ, քան Մոսկվայի ժամանակով ժամը 12-15-ին»,- ասվում է հաղորդագրությունում։